Xüsusi
qayğıya ehtiyacı olan uşaqlar üçün
distant təhsil
Bu tədris ilindən etibarən
xüsusi qayğıya ehtiyacı olan uşaqların məsafədən təhsilinin
idarə olunmasına başlanılıb. "Elektron
təlimləndirən sistemlər" adlı layihə əsasında
həyata keçirilən bu işlərə
Təhsil Nazirliyi tərəfindən seçilmiş 20 nömrəli məktəb-liseydə
start verilib. Bu məqsədlə adıçəkilən
məktəbdə Distant tədris mərkəzinin
yaradılması "2008-2012-ci illərdə Azərbaycan
Respublikasında təhsil sisteminin
informasiyalaşdırılması üzrə Dövlət
Proqramı"na uyğun olaraq
aparılır. Təhsil Nazirliyinin
nəzdində Təhsil Sisteminin
İnformasiyalaşdırılması İdarəsinin dəstəyi
ilə layihəni gerçəkləşdirən qurum isə "Nobel-T"
MMC-dir. Şirkətin direktoru
Salam Əliyevin sözlərinə görə,
görülən işlər pilot olaraq həyata keçirilir.
"Əsas
məqsəd məsafədən təhsilin inkişafı,
layihəyə cəlb olunmuş xüsusi qayğıya ehtiyacı olan şagirdlərin təhsilalma
imkanlarının
yaxşılaşdırılmasıdır. Onların kompüter
və elektron resurslardan
istifadə bacarıqlarının artırılması, Azərbaycan
təhsil şəbəkəsinə və İnternetə
çıxış imkanlarının
yaxşılaşdırılması da əsas
istiqamətlərimizdəndir". Təşkilatın rəhbəri
ötən ildən davam edən layihə
çərçivəsində 30 şagird
və 7 müəllimə ən yeni texnologiya proqram təminatları
ilə təchiz olunmuş APL- İNC
şirkətinin istehsalı olan noutbuklar təqdim edildiyini
də deyir: "Şagirdlərin evlərinə
də İnternet xətti çəkilib
və İKT avadanlıqları ilə təchiz olunub. Həmçinin şagirdlərin dərs
prosesinin idarə edilməsi məqsədi
ilə müəllimlər üçün
ayrılan tədris məkanının yüksəksürətli
fibro-optik İnternet və
İntranet bağlantılarla təchiz
olunması işləri də aparılıb. Distant
tədris mərkəzi İKT avadanlıqları ilə təchiz
olunub və fibro-optik İnternet xətti çəkilib.
S.Əliyev
layihənin xüsusi qayğıya
ehtiyacı olan uşaqların təhsil
almasında yaranan çoxsaylı problemlərin
həllinə yönəldiyini deyir. Belə
ki, evdə normal və
keyfiyyətli təhsil ala bilməyən bu şagirdlərin əksəriyyəti
çölə müstəqil olaraq
çıxa, kitabxanalardan yararlana
bilmir. Evdə fərdi təhsil
aldıqlarına görə öz
yaşıdları ilə ünsiyyətdən uzaq olan bu
uşaqların ən böyük problemlərindən
biri də sağlamlıqları ilə əlaqədar
psixoloji vəziyyətlərinin qeyri-stabil olmasıdır: "Layihənin
həyata keçirilməsi üçün
Bakı şəhəri Səbail rayonu
219 nömrəli məktəbi pilot məktəb,
bu məktəbin 30 nəfər xüsusi qayğıya ehtiyacı olan şagirdlərdən təşkil olunmuş 9-cu sinfi pilot sinif və sinifdə
dərs deyəcək yüksək elmi-pedaqoji
təcrübəyə malik 28 nəfər
müəllimlərdən ibarət pilot
müəllimlər qrupu seçilib".
Təlim
prosesinin "Elektron təlimləndirən
sistemlər"dən istifadə etmə əsasında
aparılmasının üstünlüklərinə də toxunan təşkilat rəhbəri deyir ki, bu
qəbildən olan uşaqlar
dövlətin və cəmiyyətin diqqətindən kənar
qalmadıqlarını bir daha
hiss edəcəklər: "Layihənin köməyi
ilə şagirdlərin ən azı 20 faizinin
sağlamlığında, psixoloji durumunda ciddi dəyişikliklərin
əldə edilməsi də mümkündür.
Uşaqların diqqətinə biliyin yeganə
meyar olduğu da çatdırılır. Layihənin bir üstünlüyü
də fərdi inkişafa və özünü təkmilləşdirməyə
nail olma imkanlarını
artırmaqdır".
219
nömrəli evdə məktəbdə xüsusi
qayğıya ehtiyacı olan şagirdlər
təhsil alır və onlar evdə fərdi
təhsil aldıqlarına görə öz
yaşıdları ilə ünsiyyətdən uzaqdırlar. Bu layihə nəinki şagirdləri təlimləndirəcək,
hətta öz yaşıdları ilə
ünsiyyətdə olmağa şərait
yaradacaqdır. Onlar kompüter
texnologiyasından istifadə edərək müvafiq
proqram və resursların köməyi ilə
nəinki ölkə daxilində, hətta ölkə xaricində
də özlərinə dost qazana biləcəklər.
Ümumiyyətlə,
layihə xüsusi qayğıya
ehtiyacı olan şagirdlərin beynəlxalq
İnternet şəbəkəsi vasitəsi
ilə cəmiyyətə inteqrasiya etməsinə
səbəb olacaq. Bundan
başqa, əgər şagird
məlum səbəbdən dərsi mənimsəməzsə,
onu təkrar dinləmək imkanı qazanacaq. Bu da
şagirdlərin bütün fənlərdən
bilik əldə etməsinə şərait
yaradacaq.
Şagirdlər
kompüter texnologiyaları vasitəsi ilə
İnternetdən əlavə məlumatlar ala
biləcək, evdən kənara çıxmadan kitabxanalardan
istifadə edəcək, qiyabi olaraq dünyanın flora və
faunasını görəcək, tarixi
abidələri və muzeyləri gəzə biləcəklər.
Onlar kompüter
texnologiyaları, proqram və
resurslarından istifadə edərək keçilən dərs
haqqında əlavə məlumatlar toplayıb,
araşdırma aparacaq, müqayisə və
nəticələr çıxaracaqlar.
Bu təlim-tədris prosesi xüsusi
qayğıya ehtiyacı olan
uşaqların bu vaxta
qədər gizli qalmış bacarıq və
qabiliyyətlərini də üzə çıxarmağa imkan verəcək. Ən əsası,
şagirdlər bir-biri və müəllim
ilə hər zaman ünsiyyətdə olacaq, keçilən mövzu
haqqında müzakirə apara biləcəklər.
Fikrimizcə,
bu layihədə olan
belə bir təlim prosesinin
reallaşdırılması xüsusi
qayğıya ehtiyacı olan şagirdlərdə
erkən yaşlarından müstəqil idrak
fəallığının aşılanmasına, sərbəst
düşünməyə, həmçinin
yaradıcılıq təfəkkürünün yaranması və inkişafına səbəb ola bilər.
Təlim
üsulu uşaqların elmə olan marağını daha
da artıracaq, onlarda
yaradıcılıq potensialının üzə
çıxarılmasında, cəmiyyətdə bir şəxsiyyət kimi
formalaşmasında mühüm rol
oynayacaqdır.
Şakir
CƏFƏROV
Azərbaycan
müəllimi.- 201.- 21 oktyabr.- S.14.