Azərbaycan təhsilinin uğurları

Prezident təqaüdçüləri

Raya MƏMMƏDOVA,

Azərbaycan Respublikasının Prezidenti yanında

Dövlət İdarəçilik Akademiyasının tələbəsi

1994-cü ildə Bakı şəhərində anadan olub. 2013-cü ildə Bakıdakı F.Tağıyev adına məktəb-liseyi bitirib. Orta məktəbdə oxuduğu müddətdə məktəbin ictimai işlərində fəal iştirak edib, çoxsaylı viktorina və olimpiadalarda uğurlar qazanıb.

Bu il ali məktəblərə keçirilən qəbul imtahanında 667 bal toplayaraq Azərbaycan Respublikasının Prezidenti yanında Dövlət İdarəçilik Akademiyasının inzibati idarəetmə fakültəsinə daxil olub.

Arzusu ixtisası üzrə Azərbaycanda tanınmış bir mütəxəssis olmaqdır.

Rəfiqə RÜSTƏMOVA,

Azərbaycan Tibb Universitetinin tələbəsi

1996-cı ildə Bakı şəhərində anadan olub. 2013-cü ildə Bakıdakı 289 nömrəli "Zəngi" liseyini əla qiymətlərlə bitirib.

Orta məktəbdə oxuduğu illərdə olimpiadalarda fəal iştirak edib.

Ali məktəblərə keçirilən qəbul imtahanında topladığı 695 balla Azərbaycan Tibb Universitetinin müalicə-profilaktika fakültəsinə qəbul olub.

Prezident təqaüdünə layiq görüldüyünə görə ölkə başçısına ailə üzvləri adından minnətdarlıq edir.

Arzusu Azərbaycanda tanınmış, savadlı bir həkim olmaqdır.

Günay QƏDİROVA,

Azərbaycan Dövlət İqtisad Universitetinin tələbəsi

1996-cı ildə Bakı şəhərində anadan olub. 2013-cü ildə Bakıdakı 275 nömrəli tam orta məktəbi bitirib. Orta məktəbdə oxuduğu vaxtlarda dərslərini yaxşı oxumaqla yanaşı, ictimai işlərdə nümunəvi şagird olub.

Bu il ali məktəblərə keçirilən qəbul imtahanında 667 bal toplayaraq Azərbaycan Dövlət İqtisad Universitetinin maliyyə fakültəsinə qəbul olub.

Prezident təqaüdünə layiq görüldüyünə görə orta məktəb müəllimlərinə minnətdarlıq edir. Hazırda qış semestr imtahanlarını əla qiymətlərlə vermək üçün səylə çalışır.

Cavid RZAYEV,

Qafqaz Universitetinin tələbəsi

1996-cı ildə Sumqayıt şəhərində anadan olub. 2013-cü ildə Sumqayıt şəhərindəki T.İsmayılov adına 29 nömrəli tam orta məktəbi bitirib. Orta məktəbdə oxuduğu illərdə fənn olimpiadalarının iştirakçısı olub.

Ali məktəblərə keçirilən qəbul imtahanında 675 bal toplayaraq Qafqaz Universitetinin sənayenin təşkili və idarəolunması fakültəsinə qəbul olub. Prezident təqaüdünə layiq görüldüyünə görə ölkə başçısına ailə üzvləri adından minnətdarlıq edir.

Məqsədi ali məktəbi fərqlənmə diplomu ilə bitirməkdir.

Murad AĞAKİŞİYEV,

Bakı Ali Neft Məktəbinin tələbəsi

1996-cı ildə Göyçay şəhərində anadan olub. 2013-cü ildə Bakı Özəl Türk Liseyini bitirib. Təhsil Nazirliyi, Gənclər və İdman Nazirliyinin "Mədəd" təşkilatı ilə birgə təşkil etdiyi İntel İSEF "Sabahın alimləri" II Respublika müsabiqəsində "Mühəndislik" nominasiyası üzrə III yerə layiq görülüb. Bu il ali məktəblərə keçirilən qəbul imtahanında 690 bal toplayaraq Bakı Ali Neft Məktəbinin proseslərin avtomatlaşdırılması mühəndisliyi ixtisasına qəbul olub.

Prezident təqaüdünə layiq görüldüyünə görə sevinc hissi keçirir.

Hazırladı: Şakir CƏFƏROV

Azərbaycan müəllimi.- 2013.- 27 dekabr.- S.10.