Yubiley təbrikləri
"Azərbaycan müəllimi" - 80
"Azərbaycan
müəllimi" qəzetinin baş redaktoru Bayram Hüseynzadəyə
Hörmətli Bayram müəllim!
Sizi və Sizin şəxsinizdə
"Azərbaycan müəllimi" qəzetinin bütün kollektivini qəzetin
nəşrə başlamasının 80-ci ildönümü
münasibətilə səmimi-qəlbdən təbrik edirəm.
Təhsil və mətbuat hər bir
xalqın taleyini müəyyən edən
müstəsna dəyərlərdir. Bunların
hər ikisini öz səhifələrində
bir araya gətirən
"Azərbaycan müəllimi" qəzeti 80 il ərzində öz
adının müqəddəsliyinə sadiq
qalmış, Azərbaycan ictimai fikrinin inkişafındakı yeri
və rolu, bu inkişafa verdiyi əhəmiyyətli
töhfələrlə özü də tarixi bir dəyərə
çevrilmişdir.
"Azərbaycan
müəllimi" qəzeti bizim üçün də doğma
bir qəzetdir. Çünki
qəzetin ərsəyə gəlməsində, yaşam dövründə və bu günə gəlib çatmasında həmkarlar
ittifaqı təşkilatımızın da
böyük rolu
vardır. Belə ki, "Azərbaycan
müəllimi" qəzeti uzun müddət
Təhsil Nazirliyi ilə yanaşı Azərbaycan
Təhsil İşçiləri Azad Həmkarlar
İttifaqının da orqanı olmuş və ittifaqın fəaliyyəti bu qəzetin səhifələrində geniş
işıqlandırılmışdır.
Ulu öndər Heydər Əliyevin irəli sürdüyü və Azərbaycan
Respublikasının Prezidenti cənab İlham Əliyev tərəfindən yüksək
dinamizmlə həyata keçirilən strateji
inkişaf kursunun
uğurları sayəsində Azərbaycan dövləti tarixinin böyük
yüksəliş dövrünü
yaşayır. Cəmiyyət
həyatının ən çox inkişaf edən
sahələrindən biri də məhz təhsil
sahəsidir. Respublikamızda həyata
keçirilən təhsil islahatlarının ölkə
ictimaiyyətinə aydın izahı, cəmiyyətimizin
maarifləndirilməsi, gənc nəslin təlim-tərbiyəsi,
uzun illər ərzində təhsil sahəsində
formalaşdırılmış zəngin irsin
varisliyinin təmin olunması
baxımından milli mətbuatımızın
üzərinə yenə də böyük
vəzifələr düşür. Fərəh doğuran haldır ki, "Azərbaycan müəllimi" qəzeti
80 illik fəaliyyət tarixinin
bütün dönəmlərində olduğu kimi yenə də
öz missiyasını layiqincə yerinə
yetirərək Azərbaycanın maarifçilik
tarixinin ən yeni dövrünün salnaməsini yazır.
Hörmətli Bayram müəllim!
Bu
tarixi gün
münasibətilə Sizə ən xoş
diləklərimizi çatdırır, "Azərbaycan
müəllimi" qəzetinin hər yeni
sayının oxucularla görüşə
gəlməsində əməyi olan bütün insanlara uzun ömür, möhkəm
cansağlığı, şərəfli işinizdə yeni-yeni nailiyyətlər arzulayırıq.
Hörmətlə,
Səttar MEHBALIYEV,
AHİK-in sədri, millət vəkili
"Azərbaycan müəllimi"
qəzetinin kollektivinə
"Mən yer üzündə müəllimdən
yüksək ad tanımıram. Hər
birimizdə müəllimin hərarətli qəlbinin bir zərrəciyi vardır. Məhz müəllim
doğma yurdumuzu sevməyi,
hamının rifahı naminə vicdanla
işləməyi müdrikliklə və səbirlə bizə
öyrətmiş və öyrədir. Hər birimizin öz müəllimi
vardır və biz bütün
ömrümüz boyu
onun xatirəsini hörmətlə, minnətdarlıqla
qəlbimizdə yaşadırıq", - deyən Azərbaycan
xalqının ümummilli lideri
Heydər Əliyev hələ 20 il öncə
təhsilimizin bir parçası olan "Azərbaycan müəllimi" qəzetinin
60 illik fəaliyyətinə layiqli qiymət vermiş,
qəzetin ictimai-siyasi həyatımızdakı rolunu yüksək
dəyərləndirmişdir.
Qəzetin səhifələrindən möhtərəm
Prezidentimiz İlham
Əliyevin və Heydər Əliyev Fondunun
prezidenti, YUNESKO-nun və
İSESKO-nun xoşməramlı səfiri,
Milli Məclisin deputatı Mehriban
xanım Əliyevanın Azərbaycan təhsilinə olan diqqət və qayğısı nəticəsində
təhsilimizin inkişafı haqda
yazıları oxuyur, fərəh hissi keçiririk.
Qayəsi
dövlətini və millətini sevən, elmi
və texnoloji biliklərə yiyələnmiş
mütəxəssislər yetişdirmək, Azərbaycanın
tərəqqisinə xidmət etmək olan
Qafqaz Universiteti
"Azərbaycan müəllimi" qəzetinin elm və təhsilimizin inkişafı istiqamətində
göstərdiyi peşəkar fəaliyyətini yüksək qiymətləndirir
Sizi Şəxsim və Qafqaz
Universitetinin kollektivi
adından 80 illik yubileyiniz
münasibəti ilə təbrik edir,
qazandığınız nailiyyətlərin davamını və
yorulmaz fəaliyyətinizdə uğurlar arzu edirəm.
Qafqaz Universitetinin
kollektivi adından
prof.dr. Ahmet SANİÇ
Azərbaycan müəllimi.- 2014.- 17 yanvar.- S.3.