Dünyanın ən yüksək reytinqli universitetlərində

təhsil alan azərbaycanlı tələbələr

Xəyalə EYLAZOVA, Kembric Universitetinin tələbəsi

1982-ci ildə Bakıda anadan olub. 1999-cu ildə Bakıdakı 271 nömrəli tam orta məktəbi bitirib. 2003-cü ildə Xəzər Universitetini beynəlxalq iqtisadi münasibətlər ixtisası üzrə bitirərək bakalavr dərəcəsi alıb. 2005- 2007-ci illərdə Norveç Biznes Məktəbində beynəlxalq menecment ixtisası üzrə təhsil alıb. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın Kembric Universitetində biznesin idarə olunması ixtisası üzrə magistr təhsilini davam etdirir.

Əlikram İSAYEV, Harvard Universitetinin tələbəsi

1990-cı ildə İmişli rayonunda anadan olub. 2007-ci ildə N.Gəncəvi adına 2 nömrəli tam orta məktəbi bitirib. 2011-ci ildə Bakı Dövlət Universitetini beynəlxalq hüquq ixtisası üzrə bitirərək bakalavr dərəcəsi alıb. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Amerika Birləşmiş Ştatlarının Harvard Universitetində ictimai siyasət ixtisası üzrə magistr təhsili alır.

Murad İSMAYILOV, Kembric Universitetinin doktorantı

1982-ci ildə Sumqayıtda anadan olub. 2000-ci ildə Sumqayıtdakı 11 nömrəli tam orta məktəbi əla qiymətlərlə başa vurub. 2004-cü ildə Bakı Dövlət Universitetini beynəlxalq münasibətlər ixtisası üzrə bitirərək magistr dərəcəsi alıb. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın Kembric Universitetində siyasi elmlər ixtisası üzrə doktorantura təhsili alır.

Eldar BABAYEV, Oksford Universitetinin tələbəsi

1993-cü il mayın 1-də Ukraynanın Kiyev şəhərində anadan olub. Əvvəlcə Bakıdakı 264, 138 nömrəli tam orta məktəblərdə, VII sinifdən Dədə Qorqud Özəl Türk liseyində oxuyub. 2010 - 2012-ci illərdə Bakı Dövlət Universitetində kompüter elmləri ixtisası üzrə təhsil alıb. 2012 - 2015-ci illərdə Böyük Britaniyanın London Universitet Kollecində riyaziyyat ixtisası üzrə bakalavr təhsilini davam etdirib. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın Oksford Universitetində kompüter elmləri ixtisası üzrə magistr təhsili alır.

Orxan KƏRİMZADƏ, London İmperial Kollecinin tələbəsi

1989-cu ildə Bakı şəhərində anadan olub. 2006-cı ildə Bakıdakı 18 nömrəli pilot məktəbi əla qiymətlərlə bitirib. 2010-cu ildə Azərbaycan Dövlət Neft Akademiyasının energetika fakültəsini fərqlənmə diplomu ilə bitirib. “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində 2010-2014-cü illərdə Cənubi Koreyanın KAİST Universitetində elektrik və elektronika mühəndisliyi ixtisası üzrə bakalavr təhsili alıb. Hazırda Dövlət Proqramı çərçivəsində Böyük Britaniyanın London İmperial Kollecində alternativ enerji ixtisası üzrə magistr təhsili alır.

Ramil MƏHƏRRƏMOV, Massaçusets Texnologiyalar İnstitutunun magistri

1979-cu il iyulun 18-də Qərbi Azərbaycanda anadan olub. 1999-cu ildə Qafqaz Universitetini əla qiymətlərlə bitirib. Daha sonra təhsilini iqtisadi siyasət və inkişaf ixtisası üzrə Amerika Birləşmiş Statlarının Massaçusets Universitetində davam etdirərək magistr dərəcəsi alıb. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Amerika Birləşmiş Ştatlarının Massaçusets Texnologiyalar İnstitutunda MBA dərəcəsi üzrə magistr təhsili alır.

Olesya RAZUVAYEVSKAYA, Kembric Universitetinin tələbəsi

1989-cu il noyabrın 15-də Bakıda anadan olub. Bakıdakı 210 nömrəli tam orta məktəbi bitirib. 2007-ci ildə Azərbaycan Dövlət Neft Akademiyasının istehsal proseslərinin avtomatlaşdırılması fakültəsinə daxil olub. Prezident təqaüdünə layiq görülüb. 2011-ci ildə bakalavr təhsilini əla qiymətlərlə başa vurub. 2011-2012-ci illərdə “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın Edinburq Universitetində kompüter elmləri ixtisası üzrə magistr təhsili alıb. Hazırda Dövlət Proqramı çərçivəsində Böyük Britaniyanın Kembric Universitetində kompüter elmləri ixtisası üzrə doktorantura təhsili alır.

Paşa PAŞAZADƏ, London İmperial Kollecinin tələbəsi

1992-ci il noyabrın 1-də Bakı şəhərində anadan olub. 1999-2010-cu illər ərzində Bakıdakı 164 nömrəli tam orta məktəbdə oxuyub. 2010-2015-ci illərdə Türkiyənin Orta Doğu Texnik Universitetinin elektrik və elektronika mühəndisliyi fakültəsində təhsil alıb. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın London İmperial Kollecində elektrik və elektronika sahəsində “Kontrol sistemləri” mühəndisliyi ixtisası üzrə magistr təhsili alır.

Ramilə ƏLƏSGƏROVA, London İmperial Kollecinin tələbəsi

1992-ci il avqustun 24-də Gədəbəy rayonunda anadan olub. Paytaxtdakı 19 nömrəli tam orta məktəbdə təhsil alıb. 2010-2015-ci illərdə Qafqaz Universitetində maliyyə -kredit ixtisası üzrə təhsil alaraq bakalavr dərəcəsi alıb. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın London İmperial Kollecində biznesin analitikası (kompüter elmləri) ixtisası üzrə magistr təhsili alır.

Nəriman MƏMMƏDLİ, London İmperial Kollecinin tələbəsi

1992-ci il dekabrın 21-də Bakıda anadan olub. 2010-cu ildə Türkiyə Diyanət Vəqfi Bakı Türk Liseyini bitirib. Ali məktəblərə keçirilən qəbul imtahanlarında 700 bal toplayaraq Qafqaz Universitetinin informasiya texnologiyaları və sistemləri mühəndisliyi ixtisasına qəbul olunub. 2011-2015-ci illər ərzində Dövlət Proqramı ilə Kanadanın Toronto Universitetində kompüter mühəndisliyi ixtisası üzrə təhsilini davam etdirib. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın London İmperial Kollecində kompüter elmləri ixtisası üzrə magistr təhsili alır.

Tərlan SÜLEYMANOV, Oksford Universitetinin doktorantı

1993-cü il avqustun 1-də Göyçay şəhərində anadan olub. 2010-cu ildə Ağdaş Özəl Türk Liseyini bitirib. 2010-cu ildə ali məktəblərə qəbul imtahanında 690 bal toplayaraq Qafqaz Universitetinin ingilisdilli kompüter mühəndisliyi fakültəsinə qəbul olunub. 2011-2015-ci illərdə Böyük Britaniyanın Şeffild Universitetinin kompüter elmləri fakültəsində bakalavr və magistratura səviyyələrində təhsil alıb. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın Oksford Universitetində doktorant səviyyəsi üzrə təhsil alır.

Günel ƏZİZOVA, London İmperial Kollecinin tələbəsi

1993-cü il martın 19-da Lerik rayonunun Çayrud kəndində anadan olub. Orta təhsilini Bakıdakı 117 nömrəli tam orta məktəbdə alıb. 2010-cu ildə Qafqaz Universitetinin kimya mühəndisliyi fakültəsinə (ingilisdilli) qəbul olub. 2014-cü ildə Mövlana Mübadilə Proqramının təqaüdçüsü olaraq təhsilini Türkiyənin İstanbul Texniki Universitetində davam etdirmək şansı qazanıb. 2015-ci ildə Qafqaz Universitetinin kimya mühəndisliyi bölümünü fərqlənmə ilə bitirib. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın London İmperial Kollecində kimya mühəndisliyi ixtisası üzrə magistr təhsili alır.

Toğrul KƏRİMOV, Oksford Universitetinin tələbəsi

1998-ci ildə Zaqatala şəhərində anadan olub. 2008-2013-cü illərdə Nəsimi rayonundakı Texniki-Humanitar Liseydə, 2013-2015-ci illərdə Xəzər Universitetinin Dünya Məktəbində təhsil alıb. 2015-ci ildə bu məktəbi qızıl medalla bitirib. Dünya Məktəbinin Beynəlxalq Bakalavriat Diplom Proqramından (İnternational Baccalaureate Diploma Programme) məzun olub. Hazırda “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində Böyük Britaniyanın Oksford Universitetində kompüter elmləri ixtisası üzrə bakalavr təhsili alır.

Cahangir MƏMMƏDOV, Oksford Universitetinin magistri

1991-ci ildə Bakıda anadan olub. 2009-cu ildə Bakı Özəl Türk Liseyini bitirib. 2014-cü ildə “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində kompüter elmləri üzrə Böyük Britaniyanın Mançester Universitetində təhsilini başa vuraraq bakalavr dərəcəsi alıb. Hazırda Dövlət Proqramı çərçivəsində Böyük Britaniyanın Oksford Universitetində informasiya texnologiyaları üzrə magistr təhsilini başa vurmaqdadır.

Oruc Mustafayev

Azərbaycan müəllimi.- 2015.- 19 dekabr.- S.9.