Emin PİRİ,

 

Xızı rayonu Türkoba kənd ümumi orta məktəbinin

tarix müəllimi, Prezident təqaüdçüsü

 

Şəhid oğlunun dedikləri

 

Darıxır anamın cehizlik ütüsü

Atamın biçənək ətirli

pal-paltarıyçün...

Ütüyə gəlmir ancaq heç birisi!..

 

Atamdan qalanlar

sandıq vətəndaşı illərdir qırışmır

Anamın əlləri qırışıb ancaq,

ütümüz qocalıb.

 

Atamın pal-paltarı

cəzasını çəkir

sandıq küncündə

dərsə hazırlıqsız bir şagird kimi.

 

Gözləyirəm...

iki ilə, üç ilə...

bəlkə vaxtsa...

boyum çata atama.

Geyəm paltarlarını.

yıxam özümü yerdən-yerə,

sürünəm asfalt üstdə,

bəlkə bir az qırış qatam

bəlkə bir az çirkləndirəm

sevindirəm anamın əllərini,

sevindirəm ütümüzü...

 

...Anamı heç elə görməmişdim

Atamı gətirəndə sıxmışdı əllərini...

camaat görməsəydi

yumruqlardı atamı:

bu iki yetimə bəs, kim baxacaq?!”

 

...Sonralar üzümə baxıb,

saçıma əl gəzdirdi

... “şəhidlər ölməzdedi...

 

Yayın gözü açılan kimi

anam yorğan-döşək çırpır həyətdə.

Gözündə sevgi, qolunda nifrət.

Çırpır ürəyinin çırpıntısını,

çırpır atamın yoxluğunu.

 

...Atamın izini,

dizini döyür anam.

Sonra nəsə fikirləşib

gözünü döyür anam...

 

Azərbaycan müəllimi.- 2017.- 8 dekabr.- S.14.