Azərbaycanda innovativ müəllimlər
müsabiqəsi keçirilir
Təhsil Nazirliyinin dəstəyi ilə "Microsoft Azərbaycan" şirkəti
Azərbaycanda növbəti
"İnnovativ müəllimlər"
müsabiqəsini elan
etmişdir. Dünya İnnovativ Müəllimlər
Forumunun Azərbaycan mərhələsi olan bu müsabiqə ölkəmizdə Təhsil
Nazirliyinin "Microsoft"
korporasiyası ilə
birgə həyata keçirdiyi "Təhsildə
əməkdaşlıq" proqramının tərkib
hissəsidir.
Müsabiqənin məqsədi Azərbaycanın
təhsil sistemində
çalışan innovativ
orta məktəb müəllimlərinin şəbəkəsini
yaratmaq, onların informasiya texnologiyalarından
istifadəsini təkmilləşdirməkdir.
Müsabiqə "Məzmunda
innovasiya" nominasiyası
üzrə keçirilir.
"Məzmunda
innovasiya" nominasiyası innovasiya yanaşmasının və informasiya texnologiyalarının yardımı
ilə tədris proqramını daha səmərəli şəkildə
mənimsəməyə imkan
verən ən yaxşı təhsil layihələrinin müəyyən
edilməsinə istiqamətlənir.
Müsabiqə iki
mərhələdən ibarətdir.
İlkin mərhələdə
hər bir iştirakçı peşəkar
münsiflər heyətinin
qiymətləndirəcəyi layihənin təsvirini təqdim etməlidir. İkinci mərhələdə
finalçılar öz
layihələrinin təqdimatlarını
keçirəcəklər. Finalçılar
arasında müsabiqənin
qalibləri həm pedaqoji, həm də valideyn münsiflər heyəti tərəfindən təyin
ediləcək və qaliblər müəyyənləşdiriləcəkdir.
Layihələrin qəbulu
avqustun 15-də başa çatacaqdır.
Müsabiqənin Azərbaycan üzrə qalibi ölkəmizi noyabrda Braziliyada keçiriləcək Dünya İnnovativ Müəllimlər Forumunda təmsil edəcəkdir.
Azərbaycan müəllimi.-2009.-26 iyun.-S.1.