BELTA-nın yeni layihəsi böyük qələbəyə həsr
olunmuşdur
BELTA agentliyinin xəbərinə görə, aprelin 8-də Vitebskdə Belarus Teleqraf Agentliyinin "Qaliblər" fotosərgisi açılmışdır.
BELTA-nın Böyük Vətən müharibəsində Qələbəyə həsr olunmuş yeni layihəsi 1941-1945-ci illərdə öz həyatı bahasına sülhün və azadlığın bərqərar edilməsinə nail olmuş insanlardan bəhs edir. Müxtəlif illərə aid olan və əksəriyyəti BELTA-nın fotomüxbirləri tərəfindən çəkilən nadir fotoşəkillərdə Böyük Vətən müharibəsinin iştirakçıları əks olunmuşdur.
Maraqlıdır ki, fotolarda silah-səngər, dağıntılar, əsgər sıraları, demək olar ki, görünmür. Bu sərgi yalnız ayrı-ayrı adamlardan bəhs edir. Ekspozisiya ilə tanış olan hər kəs keçmişi dərk edib bugünü anlayacaq, həyatı böyük vergi, ölümün caynağından qoparılmış dəyər kimi qəbul edəcəkdir.
Açılış mərasimində müharibə veteranları, BELTA-nın baş direktoru Dmitri Juk və başqaları iştirak etmişlər.
Sərgi artıq Mogilyovda və Qomeldə nümayiş etdirilmişdir. "Qaliblər"in
növbəti mənzili
Qrodnodur. Mayın 2-8-də
isə ekspozisiyaya
Belarus sakinləri tamaşa
edə biləcəklər.
Zeynal AĞAZADƏ,
AzərTAc-ın xüsusi müxbiri
Azərbaycan.- 2010.- 10
aprel.- S. 6.