NATO nümayəndə heyəti ümummilli lider Heydər Əliyevin məzarını və Şəhidlər xiyabanını ziyarət etmişdir

NATO Parlament Assambleyası (PA) Siyasi Komitəsinin NATO tərəfdaşlığı üzrə Alt Komitəsinin sədri Rayner Stinnerin rəhbərliyi ilə Azərbaycanda səfərdə olan nümayəndə heyəti aprelin 12-də Fəxri xiyabana gəlmişdir.

Qonaqlar xalqımızın ümummilli lideri, müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad etmiş, məzarı önünə əklil qoymuşlar.

Sonra NATO rəsmiləri Şəhidlər xiyabanında Azərbaycanın azadlığı və suverenliyi uğrunda şəhid olmuş qəhrəman Vətən övladlarının məzarları üzərinə tər çiçəklər düzmüşlər.

AzərTAc

Azərbaycan.- 2010.- 13 aprel.- S. 2.