Azərbaycanın səyi nəticəsində Ermənistan
mülki aviasiya üzrə regional qrupdan kənarda qalmışdır
Azərbaycan 2002-ci ildə Beynəlxalq Mülki Aviasiya Təşkilatına (İCAO) üzv qəbul olunan zaman Ermənistan tərəfindən yaradılan süni maneələrlə üzləşmişdi. Hazırda isə rəsmi Bakının səyi nəticəsində təcavüzkar Ermənistan aviasiya uçuşlarının təhlükəsizliyi üzrə beynəlxalq regional qrupdan kənarda qalmışdır.
Bunu İCAO-nun təşkilatçılığı ilə uçuşların təhlükəsizliyinə dair Bakıda keçirilən regional müşavirə zamanı Azərbaycan Dövlət Mülki Aviasiya Administrasiyasının direktoru Arif Məmmədov jurnalistlərə müsahibəsində demişdir.
Müşavirənin birinci
günündə belə
bir təklif irəli sürülmüşdür
ki, regionlar üzrə uçuşların
təhlükəsizliyi və
təhlükəsizlik məsələlərinin
araşdırılması üzrə
qruplar yaradılsın.
Artıq Ukrayna Qara dəniz və Xəzər regionu üzrə təhlükəsizlik qrupunun
yaradılmasını təklif
etmişdir. Bu məsələ İCAO-nun
bu ilin martında
Monrealda keçiriləcək
konfransında müzakirəyə
çıxarılacaqdır. Biz çalışırıq
ki, Ermənistanın daxil olmadığı regional qruplar yaradaq və artıq buna nail oluruq. Yeni
qrupda dörd ölkə - Azərbaycan,
Türkiyə, Ukrayna və Moldova birləşəcəkdir.
Azərbaycan.- 2010.-11
fevral.- S. 10.