Kəngərlidə Şahtaxtinskilər muzeyi yaradılır

 

Ölkəmizin ictimai-siyasi elmi-mədəni həyatında mühüm əhəmiyyətli rol oynayan nəsillər, sülalələr az olmayıb. Buna Bakıxanovları, Naxçıvanskiləri misal göstərmək olar. Şahtaxtinskilər ölkəmizdə məşhur tanınmış sülalələrdən olub.

Son iki əsr ərzində bu nəsil ölkəmizin ictimai-siyasi elmi-mədəni mühitinə böyük şəxsiyyətlər bəxş edib. Tanınmış dövlət xadimi diplomat, beynəlxalq Moskva Qars müqavilələrinin imzalanmasında müstəsna xidmətlər göstərmiş Behpud ağa Şahtaxtinski, görkəmli Azərbaycan publisisti, şərqşünas maarifçisi, ikinci Rusiya Dövlət Dumasının deputatı Məhəmmədtağı Şahtaxtılı, Azərbaycan Xalq Cümhuriyyətinin dövlət xadimlərindən Azərbaycan parlamentinin ilk üzvlərindən olan Həmid ağa Şahtaxtinski, dövrünün tanınmış ziyalılarından sayılan İsasultan Şahtaxtinski digərləri bu sülalənin tanınmış üzvləri olublar. Sonrakı dövrlərdə nəslin ardıcılları bu ənənəni layiqincə davam etdiriblər. Onlar ölkəmizdə elmin, təhsilin, mədəniyyətin, səhiyyənin, parlamentarizmin, dövlət quruculuğunun hərb sənətinin inkişafında müstəsna xidmətlər göstərməklə yanaşı, bütün dövrlərdə ölkəmizin xoşbəxt gələcəyi uğrunda mərd mübarizlər kimi tanınıblar.

Muxtar respublika Ali Məclisi sədri bunları əsas tutaraq Kəngərli rayonunun Şahtaxtı kəndində - tanınmış sülalənin doğma ata-baba ocağında Şahtaxtinskilər muzeyinin yaradılması ilə bağlı sərəncam imzalayıb. İndi muzey inşa olunur.

 

 

Azərbaycan.- 2010.- 19 fevral.- S. 11.