Azərbaycanın xarici işlər naziri gürcüstanlı həmkarı ilə görüşmüşdür

İyulun 7-də Azərbaycanın xarici işlər naziri Elmar Məmmədyarov ölkəmizdə işgüzar səfərdə olan gürcüstanlı həmkarı Qriqol Vaşadze ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, görüşdə Ermənistan-Azərbaycan, Dağlıq Qarabağ, Cənubi Osetiya və Abxaziya münaqişələrinin hazırkı vəziyyəti, regionda cərəyan edən proseslər, Cənubi Qafqaz regionunda və Xəzər hövzəsində həyata keçirilən enerji və infrastruktur layihələri və qarşılıqlı maraq doğuran digər məsələlər müzakirə olunmuşdur.

Azərbaycan.- 2010.- 8 iyul.- S. 2.