ATƏT-in Parlament Assambleyasının
XIX illik sessiyası keçirilir
Osloda ATƏT Parlament Assambleyasının
(PA) XIX illik sessiyası
keçirilir. Tədbirdə Milli Məclis
sədrinin müavini,
ATƏT PA-da Azərbaycan
nümayəndə heyətinin
rəhbəri Bahar Muradovanın başçılığı
ilə parlament nümayəndə heyəti
iştirak edir.
Sessiyanın əsas
müzakirə mövzusu
"Qanunun aliliyi: Transmilli cinayətkarlıq
və korrupsiya ilə mübarizə"dir.
Sessiyanın açılışında çıxış
edən ATƏT PA-nın
sədri Joao Soareş
Azərbaycanın qurumdakı
fəaliyyətini yüksək
qiymətləndirmişdir.
Sessiyanın ilk iclasında gender bərabərliyinin
təminatı və Qırğızıstandakı vəziyyət təhlil olunmuşdur.
Sonra sessiya işini PA-nın siyasi məsələlər və
təhlükəsizlik, demokratiya,
insan hüquqları və humanitar məsələlər, iqtisadi
məsələlər, elm, texnologiya və ətraf mühit daimi komitələrində
davam etdirmişdir.
Parlamentarilər transmilli cinayətkarlıq
və korrupsiya ilə mübarizə, iqlim dəyişikliyi, ətraf mühit, enerji resursları, nüvə təhlükəsizliyi
və digər məsələləri müzakirə
etmişlər.
İqtisadi məsələlər,
elm, texnologiya və ətraf mühit komitələrinin iclasında
çıxış edən
Azərbaycanın qurumdakı
nümayəndə heyəti
rəhbərinin müavini
Eldar İbrahimov ölkəmizdə cinayətkarlığa,
korrupsiyaya qarşı
mübarizə istiqamətində
həyata keçirilən
tədbirlər, proqramlar,
bu sahədə qanunvericilik bazası, fəaliyyətdə olan əlaqədar struktur barədə məlumat vermişdir.
Azərbaycanlı deputat çıxışında
Ermənistanın işğalçılıq
siyasəti nəticəsində
zəbt olunmuş torpaqlarımızda törədilən
cinayətlər barədə
sənədləri, faktları
çatdırmışdır. Ermənilərin tarixi mədəniyyət abidələrimizə, maddi-mənəvi
dəyərlərimizə vurduğu
zərər barədə
məlumat vermişdir.
İyulun 10-dək davam edəcək sessiyada assambleyanın üç baş komitəsi sözügedən
məsələlərlə yanaşı, iclasın əsas mövzusu barədə qətnamə
layihəsini də müzakirə edəcəkdir. Sessiyada Oslo Yekun
Bəyannaməsi imzalanacaqdır.
Sessiyanın sonuncu günündə ATƏT
PA-nın sədri Joao
Suareşin fəaliyyət
müddəti bitdiyi üçün yeni sədri seçiləcəkdir.
AzərTAc
Azərbaycan.- 2010.- 8 iyul.- S.
2.