Azərbaycan Prezidenti İlham Əliyev ABŞ müdafiə naziri Robert Qeytsi qəbul etmişdir

Azərbaycan Respublikasının Prezidenti İlham Əliyev iyunun 6-da ölkəmizdə səfərdə olan ABŞ müdafiə naziri Robert Qeytsi qəbul etmişdir.

ABŞ müdafiə naziri Robert Qeyts Birləşmiş Ştatların Prezidenti Barak Obamanın məktubunu dövlətimizin başçısına çatdırmışdır. O qeyd etmişdir ki, ABŞ Prezidenti Barak Obama senator qismində ilk xarici səfərinin Azərbaycana etməsini məmnunluqla xatırlayır.

Dövlətimizin başçısı məktuba görə minnətdarlığını ABŞ Prezidentinə çatdırmağı xahiş etmişdir.

Görüşdə Azərbaycan ilə Amerika Birləşmiş Ştatları arasında hərbi sahədə əməkdaşlığa dair fikir mübadiləsi aparılmışdır.

AzərTAc

Azərbaycan.- 2010.- 8 iyun- S. 2.