İslam İnkişaf Bankının müxtəlif qurumlarının illik toplantıları keçirilmişdir

İyunun 24-də İslam İnkişaf Bankının (İİB) İslam maliyyəçiliyinə dair 5-ci Qlobal Forumu çərçivəsində müxtəlif qurumların illik toplantıları keçirilmişdir.

İnvestisiya və İxrac Kreditlərinin Sığortası üzrə İslam Korporasiyasının Müdirlər Şurasının 17-ci illik toplantısında 2008-2009-cu maliyyə ili üzrə illik hesabat, 2008-2009-cu maliyyə ili üzrə audit olunmuş maliyyə hesabatları təsdiq edilmiş, 2010-2011-ci maliyyə ilinə xarici auditor seçilmiş, Korporasiyanın yeni sığorta xidmətlərinin təqdimi ilə əlaqəli Razılaşma Sazişinə dəyişikliklər olunmuşdur.

* * *

İnkişaf üzrə İslam Həmrəylik Fondu Müdirlər Şurasının 3-cü illik toplantısında fondun 2009-cu il üçün hesabatı və audit olunmuş hesabları, 2011-2012-ci maliyyə ili üçün fonda xarici auditorun təyin edilməsi, fond üçün resursların səfərbər edilməsi məsələləri müzakirə olunmuşdur.

Fondun Direktorlar Şurasının təklifi ilə Price Waterhouse Coopers və KPMG - Al Fozan Al Sadhan şirkətləri 2011-2012-ci illər üçün xarici auditorlar təyin edilmişdir.

Azərbaycan.- 2010.- 25 iyun- S. 7.