Daxili Qoşunların şəxsi heyəti ümummilli lider Heydər Əliyevin məzarını və Şəhidlər xiyabanını ziyarət etmişdir

Daxili Qoşunların 18-ci ildönümü münasibətilə martın 12-də qurumun rəhbərliyi və şəxsi heyət Fəxri xiyabana gələrək xalqımızın ümummilli lideri, müasir Azərbaycan dövlətinin memarı və qurucusu Heydər Əliyevin xatirəsini ehtiramla yad etmiş, məzarı önünə əklil qoymuşdur.

Görkəmli oftalmoloq alim, akademik Zərifə xanım Əliyevanın da xatirəsi yad olunmuş, məzarı üzərinə güllər düzülmüşdür.

Daxili Qoşunların rəhbərliyi və şəxsi heyət buradan Şəhidlər xiyabanına gəlmiş, Azərbaycanın azadlığı və suverenliyi uğrunda şəhid olmuş qəhrəman Vətən övladlarının məzarları üzərinə tər çiçəklər düzmüşdür. Daxili Qoşunların şəhid olmuş əməkdaşlarının məzarları üzərinə və şəhid türk əsgərlərinin şərəfinə ucaldılmış xatirə abidəsinin önünə də güllər düzülmüşdür.

AzərTAc

Azərbaycan.- 2010.- 13 mart.- S. 6.