"Milli Teatr Festivalı - 2010" davam
edir
Salyan Dövlət Kukla Teatrı Mədəniyyət
və Turizm Nazirliyi, Azərbaycan Teatr Xadimləri İttifaqının birgə
təşkil etdikləri
"Milli Teatr Festivalı - 2010" tədbirləri
çərçivəsində Azərbaycan Dövlət Kukla Teatrında çıxış etmişdir.
Teatr Abdulla Şaiqin əsəri əsasında
Rəhman Əlizadənin
qələmə aldığı
"Tülkünün uçuşu"
tamaşasını göstərmişdir. Tamaşanın baxışında Mədəniyyət
və Turizm Nazirliyinin, Teatr Xadimləri İttifaqının
rəsmiləri, teatrşünaslar,
yazıçılar, KİV nümayəndələri, başlıcası
isə kiçik tamaşaçılar iştirak
etmişlər. Maraqlı keçən
tamaşanın quruluşunu
teatrın yaradıcılarından
olan Cahangir Qaraşov, musiqi tərtibatını Təzahür
Mehdiyev, rəssam tərtibatını Ceyhun
Rüstəmbəyli vermişlər.
Əsas rollarda Mədinə Ramazanova, Leyla Vəliyeva, Maytab Gözəlova, Rauf Həsənov, Əlizamin Həsənli, Orxan Səfərov, Qalib Məlikov, Aygül Muradova, Gülşən Təhməzova
çıxış etmişlər.
Festival tamaşası uğurla keçmişdir.
Teatrın direktoru Yavər Cəbrayılovun sözlərinə
görə, hazırda
kollektiv festivalın növbəti mərhələsinə
hazırlaşır. İyun ayında
Qax şəhərində
keçirilən növbəti
turda teatr kollektivi Abdulla Şaiqin "Danışan
kukla", Sevinc Nuruqızının "Gəlincik"
tamaşalarını göstərəcəklər.
Azərbaycan.- 2010.- 12
may.- S. 12.