Akademikin yubileyi qeyd olundu

İmam Mustafayevin təhsil illəri, əmək və elmi-pedaqoji fəaliyyəti Gəncə və Azərbaycan Dövlət Aqrar Universiteti ilə də bağlı olmuşdur.

Bu günlərdə görkəmli ictimai xadimin anadan olmasının 100 illiyi ilə əlaqədar universitetdə tədbir keçirildi. ADAU-nun rektoru, professor Mirdamət Sadıqov mərasimi açaraq görkəmli akademikin həyatı, yaradıcılığı və ictimai fəaliyyəti haqqında danışdı. Sonra Ümumi əkinçilik, genetika və seleksiya kafedrasının müdir əvəzi, professor C.Hacıyev, Elmi-Tədqiqat Bitki Mühafizəsi İnstitutunun direktoru, akademik S.Məmmədova və başqaları çıxış edərək xatirələrini və ürək sözlərini söylədilər.

Vaxtilə görkəmli akademikin çalışdığı aqronomluq fakültəsində xatirə otağı açıldı. Tədbirin iştirakçıları İ.Mustafayevin əsərlərinə və digər sənədlərə böyük maraqla tamaşa etdilər.

Məmməd QASIMOV,

"Aqrar mütəxəssis" qəzetinin əməkdaşı

Azərbaycan.- 2010.-14 may.- S. 11.