Azərbaycan Respublikasının birinci instansiya məhkəmələrinin bəzi hakimlərinin səlahiyyətlərinə vaxtından əvvəl xitam verilməsi haqqında Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini, habelə “Məhkəmələr və hakimlər haqqında” Azərbaycan Respublikası Qanununun 113-cü və 114-cü maddələrini rəhbər tutaraq qərara alıram:

İşlərə baxarkən qanunvericiliyin tələblərini dəfələrlə kobudcasına pozduqlarına görə aşağıdakı hakimlərin səlahiyyətlərinə vaxtından əvvəl xitam verilsin:

1. Bakı şəhəri Binəqədi Rayon Məhkəməsinin hakimi Rəsmiyyə Cəmşid qızı Qəhrəmanova;

2. Bakı şəhəri Sabunçu Rayon Məhkəməsinin hakimi Yusif Əli oğlu Kərimov;

3. Bakı şəhəri Yasamal Rayon Məhkəməsinin hakimi Südabə Əlislam qızı Məmmədova.

İlham Əliyev,

Azərbaycan Respublikasının Prezidenti

Bakı şəhəri, 18 may 2010-cu il.

Azərbaycan.- 2010.-19 may.- S. 2.