TürkPA ofisinin rəsmi açılışı oldu

Mayın 24-də Türkdilli Ölkələrin Parlament Assambleyasının (TürkPA) Azərbaycan Respublikası Milli Məclisinin binasında fəaliyyətə başlamış ofisinin rəsmi açılış mərasimi keçirildi.

Açılış mərasimində Milli Məclis Sədrinin birinci müavini Ziyafət Əsgərov, Türkiyə Böyük Millət Məclisi Sədrinin müavini Nevzat Paktil, Qazaxıstan Parlamentinin Xarici əlaqələr, müdafiə və təhlükəsizlik məsələləri komitəsinin sədri Amzebek Jolşıbekov, Milli Məclisin deputatları və digər rəsmi şəxslər iştirak etdilər. Daha sonra tədbir iştirakçıları TürkPA-nın ofisi ilə yaxından tanış oldular, Katibliyin əməkdaşlarına fəaliyyətlərində uğurlar arzuladılar.

Azərbaycan.- 2010.- 25 may.- S. 4.