Bakıda "Nüvə enerjisinin dinc məqsədlərlə
istifadəsi perspektivləri" mövzusunda
beynəlxalq konfrans başa
çatmışdır
Noyabrın 8-də Bakıda işə başlayan "Nüvə enerjisinin dinc məqsədlərlə istifadəsi perspektivləri" mövzusunda beynəlxalq konfrans noyabrın 10-da başa çatmışdır.
AMEA, Rabitə və İnformasiya Texnologiyaları Nazirliyi və AMEA Radiasiya Problemləri İnstitutunun birgə təşkil etdiyi tədbir Azərbaycanda radiasiya kimyası elminin banisi, görkəmli alim-pedaqoq Mirkazım Məlikzadənin anadan olmasının 100 illiyinə həsr olunmuşdur.
Rusiya, İran, Özbəkistan, Pakistan, Koreya Respublikası və digər ölkələrin alimlərinin iştirak etdiyi konfransda
10 bölmə iclasında mövzuya dair 50-dən çox məruzə dinlənilmişdir.
Tədbir çərçivəsində "Azərbaycanda nüvə elmlərinin durumu və perspektivləri" mövzusunda "dəyirmi masa" keçirilmişdir.
Konfransın materialları toplu şəklində çap
olunmuşdur.
AzərTAc
Azərbaycan.- 2010.- 11 noyabr.- S. 5.