Dövlət Filarmoniyasında "Arşın mal alan" operettasının konsert-tamaşası olmuşdur

Oktyabrın 14-də Müslüm Maqomayev adına Azərbaycan Dövlət Filarmoniyasında dahi bəstəkar Üzeyir Hacıbəylinin 125 illiyi münasibətilə "Arşın mal alan" operettasının konsert-tamaşası olmuşdur.

Filarmoniyadan AzərTAc-a bildirmişlər ki, tamaşanı Xalq Artisti Ağaverdi Paşayevin bədii rəhbərliyi və baş dirijorluğu ilə Azərbaycan Dövlət Xalq Çalğı Alətləri Orkestri müşayiət etmişdir.

Rolları Əməkdar artistlər Xanım Qafarova (Cahan xala), Cavanşir Əhmədov (Soltan bəy), Gülnaz İsmayılova (Gülçöhrə), artistlər Kamil Qasımov (Əsgər), Ülkər Əliyeva (Asya), Tural Ağasiyev (Süleyman), Zəminə Ağayeva (Telli), Kazım Nicat Fəxri (Vəli) ifa etmişlər.

Tamaşanın quruluşçu rejissoru Əməkdar İncəsənət Xadimi Əli Usubovdur.

Azərbaycan.- 2010.- 16 oktyabr.- S. 12.