Niderland Krallığının Azərbaycanda yeni təyin olunmuş səfiri etimadnaməsinin surətini xarici işlər nazirinə təqdim etmişdir

Xarici işlər naziri Elmar Məmmədyarov avqustun 31-də Niderland Krallığının Azərbaycanda yeni təyin olunmuş fövqəladə və səlahiyyətli səfiri Aryen Uyterlinde ilə görüşmüşdür.

Etimadnamənin surətini nazirə təqdim edən A.Uyterlinde ölkəmizə səfir təyin olunmasından məmnun olduğunu qeyd etmişdir. Ölkələrimiz arasında münasibətlərin yüksək səviyyədə olduğunu vurğulayan səfir fəaliyyəti dövründə Niderland-Azərbaycan əlaqələrinin dərinləşməsi istiqamətində çalışacağını bildirmişdir.

Elmar Məmmədyarov ölkəmizə səfir təyin olunması münasibətilə holland diplomatı təbrik etmiş və işlərində müvəffəqiyyətlər arzulamışdır.

Azərbaycan.- 2010.- 1 sentyabr.- S. 2.