Mərkəzi Seçki Komissiyası Bakı və Abşeron rayonlarında ixtisaslaşdırılmış kurslara başlamışdır

Mərkəzi Seçki Komissiyası (MSK) Azərbaycan Respublikasının Prezidenti İlham Əliyevin "Azərbaycan Respublikasında insan hüquqlarının müdafiəsi üzrə Milli Fəaliyyət Planının təsdiq edilməsi haqqında" Sərəncamının icrası ilə əlaqədar sentyabrın 1-dən 3-dək regionlarda seçki hüququ üzrə ixtisaslaşdırılmış kurslara başlamışdır.

Kurslar dairə seçki komissiyalarının üzvləri və məntəqə seçki komissiyalarının sədrləri üçün nəzərdə tutulmuşdur.

Üç gün davam edəcək kurslarda MSK-nın üzvləri, məsul işçiləri, müvafiq şəhər, rayon icra hakimiyyətlərinin səlahiyyətli şəxsləri, rayon prokurorları, məhkəmə sədrləri və polis idarələrinin rəisləri "Seçici siyahıları ilə işin aparılması, seçkiqabağı təşviqatın aparılmasında öz səlahiyyətləri daxilində şəraitin yaradılması və sair bu kimi istiqamətlərdə yerli icra və bələdiyyə qurumlarının rolu", "Seçki hüququ və onun təminatının qanunvericilik əsasları, aşağı seçki komissiyaları və məhkəmələr tərəfindən seçki hüququnun qorunması mexanizmləri", "Seçki prosesində KİV-lərin rolu, yerli və xarici müşahidəçilərin hüquq və vəzifələri" mövzularında mühazirələr oxuyacaq, "Seçkilərin hazırlığı və keçirilməsi zamanı yerli və xarici müşahidəçilərin hüquq və vəzifələri" mövzusunda seminarlar təşkil olunacaq, mövzular ətrafında fikir mübadiləsi aparılacaqdır.

Sentyabrın 1-də 8 saylı Binəqədi birinci seçki dairəsində kurslar əvvəlcədən nəzərdə tutulmuş yerdə təşkil olunmuşdur. Kursda dairə seçki komissiyasının tabeçiliyində olan 36 məntəqənin hamısının sədrləri və DSK üzvləri iştirak etmişlər. Kursda məruzələr oxumuş, məntəqə seçki komissiyalarının sədrlərinə seçici siyahılarının tərtibi, yeri və beynəlxalq müşahidəçilər, eləcə də namizədlərin səlahiyyətli nümayəndələri ilə işin təşkili barədə ətraflı məlumat verilmişdir.

9 saylı Binəqədi ikinci seçki dairəsində də kurslar uğurla başlamışdır. Rayon icra hakimiyyəti başçısının müavini, rayon məhkəməsinin sədri və başqaları çıxış etmişlər.

10 saylı Binəqədi üçüncü seçki dairəsində təşkil olunmuş kursda da 34 məntəqə sədri və DSK üzvləri iştirak etmişlər.

11 saylı Qaradağ seçki dairəsi üzrə 32 məntəqə fəaliyyət göstərir. Bu dairədə təşkil olunmuş kurslarda DSK üzvləri və məntəqə sədrlərinə seçki hüququnun təminatının qanunvericilik əsasları, aşağı seçki komissiyaları, eləcə də məhkəmələr tərəfindən seçki hüququnun qorunması mexanizmləri barədə məlumatlar verilmişdir.

12 saylı Qaradağ-Binəqədi-Yasamal seçki dairəsində kursların ilk günündə seçici siyahılarının tərtibi, bu sahədə işin təşkili, seçkiqabağı təşviqatın aparılması və s. mövzularda məruzələr dinlənilmişdir.

Qeyd edək ki, bu dairə üzrə 30 seçki məntəqəsi fəaliyyət göstərir. Sonda Milli Məclisə keçiriləcək seçkilərlə bağlı görülən işlər barədə müzakirələr aparılmış, məntəqə seçki komissiya sədrlərinin sualları cavablandırılmışdır.

Xəzər rayonu ərazisindəki dairə seçki komissiyaları da kurslara uğurla başlamışlar.

13 saylı Xəzər birinci seçki dairəsi dairə seçki komissiyasından bildirmişlər ki, dairə üzrə 33 məntəqə vardır. Bugünkü kursda MSK üzvü Fuad Cavadov, dairənin sədri Mütəllim Balaqardaşov çıxış edərək kursların əhəmiyyətindən danışmış, qarşıda duran vəzifələr barədə məlumat vermişlər.

14 saylı Xəzər ikinci seçki dairəsində daimi əsaslarla fəaliyyət göstərən 36 seçki məntəqəsinin sədrləri və DSK üzvləri kurslarda fəal iştirak etmişlər. Kurslarda seçki qanunvericiliyinin müddəaları, seçici siyahılarının dəqiqləşdirilməsi, səsvermə zamanı müşahidəçilərin yerləşdirilməsi və digər məsələlərlə bağlı məsləhətlər verilmişdir.

Yasamal rayonunda da seçkilərə ciddi hazırlıq gedir.

15 saylı Yasamal birinci seçki dairəsi dairə seçki komissiyasının üzvləri və katibləri, eləcə də məntəqə seçki komissiyalarının sədrləri kurslarda fəal iştirak etmişlər. Kursun ilk günündə MSK-nın hüquq şöbəsinin müdiri İradə Hacıyeva çıxış edərək seçki hüququ üzrə ixtisaslaşdırılmış kursların əhəmiyyətindən danışmış, DSK üzvlərinin və məntəqə seçki komissiyalarının sədrlərinin suallarını cavablandırmışdır.

16 saylı Yasamal ikinci seçki dairəsindəki 29 məntəqənin sədrləri dairə seçki komissiyasının üzvləri və katibləri ilə birlikdə kurslarda fəal iştirak etmiş, seçki hüququ və onun təminatının qanunvericilik əsasları, aşağı seçki komissiyaları və məhkəmələr tərəfindən seçki hüququnun qorunması mexanizmləri ilə bağlı biliklərə yiyələnmişlər.

İxtisaslaşdırılmış kursların birinci günündə 17 saylı Yasamal üçüncü seçki dairəsi dairə seçki komissiyalarının üzvləri və məntəqə seçki komissiyalarının sədrləri üçün seçici siyahıları ilə işin aparılması, seçkiqabağı təşviqatın təşkilinə şəraitin yaradılması və digər məsələlər barədə məruzələr oxunmuşdur.

18 saylı Nərimanov-Nizami seçki dairəsində dairə seçki komissiyalarının üzvləri və məntəqə seçki komissiyalarının sədrləri üçün təşkil olunmuş kurslarda MSK üzvü Tamam Cəfərli, Nərimanov Rayon İcra Hakimiyyətinin və rayon məhkəməsinin nümayəndələri iştirak etmişlər.

Bu dairədə 28 seçki məntəqəsi fəaliyyət göstərir.

19 saylı Nərimanov birinci seçki dairəsində də dairə seçki komissiyalarının üzvləri və 31 seçki məntəqəsinin sədrlərinin iştirakı ilə kurslara başlanmışdır.

20 saylı Nərimanov ikinci seçki dairəsində dairə seçki komissiyalarının üzvləri və məntəqə seçki komissiyalarının sədrləri də ixtisaslaşmış kurslarda seçki hüququ, seçici siyahılarının tərtibi, müşahidəçilərlə işin təşkili və sair mövzularda biliklər əldə etmişlər.

21 saylı Nəsimi birinci seçki dairəsindəki dairə seçki komissiyasının üzvləri və katibləri, dairədə fəaliyyət göstərən 29 məntəqənin sədrləri kurslarda fəal iştirak etmişlər.

DSK sədri Məshəti Ağayeva demişdir ki, 118 saylı Ağdam şəhər seçki dairəsinin bir məntəqəsinin üzvləri də kurslarda iştirak etmişlər.

22 saylı Nəsimi ikinci seçki dairəsində 30 seçki məntəqəsi vardır. Bu gün DSK üzvləri ilə yanaşı məntəqə seçki komissiyalarının sədrləri seçki hüququ, səsvermənin təşkili, müşahidəçilərlə işin qurulması, seçici siyahıları və s. mövzularda məlumatlar əldə etmişlər.

23 saylı Nəsimi-Səbail seçki dairəsi dairə seçki komissiyasında da kurslar vaxtında başlamışdır. Dairə üzrə mövcud olan 29 məntəqənin sədrlərinin hamısı, eləcə də DSK üzvləri mühazirə-seminarlarda fəal iştirak etmişlər.

24 saylı Nizami birinci seçki dairəsində keçirilmiş kursda isə dairənin əhatə etdiyi 29, 124 saylı Şuşa-Füzuli-Xocalı-Xocavənd Seçki Dairəsinin nəzdində olan 13 seçki məntəqəsinin sədrləri iştirak etmişlər.

25 saylı Nizami ikinci seçki dairəsində dairə seçki komissiyasının üzvləri və məntəqə seçki komissiyalarının sədrləri üçün seçki hüququ üzrə ixtisaslaşdırılmış kurslar işə başlamışdır. Kursda 32 məntəqə seçki komissiyasının sədri, dairə seçki komissiyasının 6 üzvü, 2 katibi iştirak etmişlər.

26 saylı Sabunçu birinci seçki dairəsində ixtisaslaşdırılmış kurslara başlanmışdır. Dairə seçki komissiyasından bildirmişlər ki, üç gün davam edəcək kurs və seminarlarda dairə seçki komissiyalarının üzvləri və məntəqə seçki komissiyalarının sədrləri iştirak edəcəklər. Tədbirlərdə rayon icra hakimiyyətinin, məhkəmə və polis orqanlarının nümayəndələri mühazirə ilə çıxış edəcəklər. Bu seçki dairəsində 32 daimi məntəqə fəaliyyət göstərir.

27 saylı Sabunçu ikinci seçki dairəsində fəaliyyət göstərən 31 seçki məntəqəsinin sədrləri ixtisaslaşdırılmış kurslara həvəslə qatılmışlar. Bu dairədə təşkil olunmuş kursda dairə seçki komissiyasının üzvlərinə və məntəqə sədrlərinə Milli Məclisə seçkilərə hazırlıq, seçici siyahılarının tərtibi, seçki qanunvericiliyinin pozulmasına görə məsuliyyət və digər məsələlər barədə məlumatlar verilmişdir.

28 saylı Sabunçu üçüncü seçki dairəsində də kurslar mütəşəkkil başlanılmışdır. Dairə seçki komissiyasının üzvləri və məntəqə seçki komissiyalarının sədrləri seçki hüququ üzrə ixtisaslaşdırılmış kurslarda seçki qanunvericiliyinin tələbləri ilə bir daha yaxından tanış olmuşlar.

29 saylı Səbail seçki dairəsində təşkil olunmuş kurslarda MSK-nın, rayon icra hakimiyyətinin və rayon məhkəməsinin nümayəndələrinin çıxışlarını DSK üzvləri, məntəqə seçki komissiyalarının, habelə, qaçqın və köçkün rayonlarının seçki məntəqələrinin sədrləri dinləmişlər. Kursların ilk günündə seçki hüququ və onun təminatı, aşağı seçki komissiyaları və məhkəmələr tərəfindən seçki hüququnun qorunması mexanizmləri və s. barədə geniş söhbət açılmış, məntəqə seçki komissiyaları sədrlərinin sualları cavablandırılmışdır. Bu dairə üzrə 30 seçki məntəqəsi fəaliyyət göstərir.

30 saylı Suraxanı birinci seçki dairəsi dairə seçki komissiyasının üzvləri və dairədə fəaliyyət göstərən 26 məntəqənin sədrləri seçki hüququ üzrə ixtisaslaşdırılmış kurslara fəal başlamışlar. Kursların 1-ci günündə MSK üzvü İlham Məmmədov çıxış edərək seçki hüququ üzrə ixtisaslaşdırılmış kursların əhəmiyyətindən danışmış, DSK üzvlərinin və məntəqə seçki komissiyalarının sədrlərinin suallarını cavablandırmışdır.

31 saylı Suraxanı ikinci seçki dairəsində 27 məntəqə fəaliyyət göstərir. Kurslarda məntəqələrin sədrləri və dairə seçki komissiyasının üzvləri iştirak etmişlər.

32 saylı Suraxanı üçüncü seçki dairəsi dairə seçki komissiyasında da kurslar nəzərdə tutulmuş plan üzrə keçirilir. Dairədə daimi əsaslarla fəaliyyət göstərən 28, müvəqqəti əsaslarla işləyən 1 seçki məntəqəsi vardır.

33 saylı Xətai birinci seçki dairəsinin dairə seçki komissiyasında DSK-nın üzvləri, katibləri, bu dairədə daimi əsaslarla fəaliyyət göstərən 33 məntəqə seçki komissiyası sədrlərinin iştirakı ilə keçirilmiş kursda rayon icra hakimiyyətinin, rayon məhkəməsinin rəhbərləri məruzə ilə çıxış etmiş, Milli Məclisə növbəti seçkilərin şəffaf, azad və demokratik keçirilməsi üçün bütün şəraitin yaradıldığını bildirmiş, seçki qanunvericiliyi barədə sualları cavablandırmışlar.

34 saylı Xətai ikinci seçki dairəsinin dairə seçki komissiyasının üzvlərinin, katiblərinin və 33 məntəqə sədrinin iştirakı ilə kurslar keçirilmişdir. 122 saylı Xankəndi seçki dairəsi dairə seçki komissiyasının üzvləri və həmin dairədə fəaliyyət göstərən 9 məntəqənin sədrləri də bu kurslarda iştirak etmişlər.

35 saylı Xətai üçüncü seçki dairəsinin dairə seçki komissiyasında da seçki hüququ üzrə ixtisaslaşdırılmış kurs keçirilmişdir. Bugünkü kursda Milli Məclisə keçiriləcək seçkilərə hazırlıq, səslərin hesablanması və nəticələrin rəsmiləşdirilməsi, seçki hüququ və onun təminatının qanunvericilik əsasları barədə danışılmışdır.

36 saylı Xətai dördüncü seçki dairəsinin dairə seçki komissiyasında seçki hüququ üzrə ixtisaslaşdırılmış kurs keçirilmişdir.

Dairə seçki komissiyalarının üzvləri və məntəqə seçki komissiyalarının sədrləri üçün nəzərdə tutulmuş kursda rayon icra hakimiyyətinin, polis idarəsinin səlahiyyətli şəxsləri seçkilərlə əlaqədar dairə və məntəqə seçki komissiyalarının vəzifələri, onların fəaliyyətlərinin qarşılıqlı təşkili, siyasi partiyaların və blokların seçkilərdə iştirakının əsasları, Azərbaycan Respublikasının Konstitusiyası ilə verilən seçki hüquqları, Seçki Məcəlləsi, əsas anlayış və prinsiplər, seçki hüquqlarının məhkəmə müdafiəsi, seçki hüquqlarının pozulmasına görə məsuliyyət nəzərdə tutan qanunvericilik sistemi və məsuliyyət növləri barədə ətraflı məlumat vermişlər.

45 saylı Abşeron seçki dairəsi dairə seçki komissiyasında kursların ilk günündə seçki hüququnun təminatının qanunvericilik əsasları, seçki siyahıları ilə işin təşkili, seçkiqabağı təşviqatın aparılması mövzularında məruzələr dinlənilmiş, seminar keçirilmişdir.

Abşeron 45 saylı seçki dairə seçki komissiyasının tərkibində 33 seçki məntəqəsi fəaliyyət göstərir.

Kurslar sentyabrın 2-də davam etdiriləcəkdir.

Qeyd edək ki, MSK 2007-ci və 2009-cu illərdə də Azərbaycan Respublikası Prezidentinin müvafiq sərəncamının icrası ilə əlaqədar aşağı seçki komissiyalarının üzvləri üçün seçki hüququ üzrə ixtisaslaşdırılmış kurslar keçirmişdi.

Cari il avqustun 23-dən 29-dək isə Mərkəzi Seçki Komissiyasında dairə seçki komissiyalarının sədrləri üçün ixtisaslaşdırılmış kurslar keçirilmişdir.

Kursların sonunda DSK sədrləri Bakı və Abşeron rayonlarında təcrübə mübadiləsi aparmış, onlara sertifikatlar verilmişdir.

AzərTAc

Azərbaycan.- 2010.- 2 sentyabr.- S. 5.