"Şəhid ailəsi üçün Azərbaycan Respublikası Prezidentinin təqaüdü"nün artırılması haqqında

Azərbaycan Respublikası Prezidentinin Fərmanı

Şəhid ailələrinin sosial müdafiəsini gücləndirmək məqsədilə qərara alıram:

1. "Şəhid ailəsi üçün Azərbaycan Respublikası Prezidentinin təqaüdü"nün aylıq məbləği 50 faiz artırılaraq 150 (yüz əlli) manat məbləğində müəyyən edilsin.

2. Azərbaycan Respublikasının Nazirlər Kabineti bu fərmandan irəli gələn məsələləri həll etsin.

3. "Şəhid ailəsi üçün Azərbaycan Respublikası Prezidentinin təqaüdü"nün təsis edilməsi haqqında" Azərbaycan Respublikası Prezidentinin 2006-cı il 19 dekabr tarixli 493 nömrəli fərmanının 1-ci bəndində "100 (yüz)" sözü "150 (yüz əlli)" sözləri ilə əvəz edilsin.

4. Bu fərman 2010-cu il sentyabrın 1-dən qüvvəyə minir.

İlham ƏLİYEV,

Azərbaycan Respublikasının Prezidenti

Bakı şəhəri, 8 sentyabr 2010-cu il

Azərbaycan.- 2010.-9 sentyabr.- S. 1.