Türkiyəli şair-jurnalistlər
Mətbuat Şurasında
olmuşlar
Mədəniyyət və Turizm
Nazirliyinin, Türkiyənin
Azərbaycandakı səfirliyinin,
paytaxtımızın "Ozan" və Elazığın "Manas"
nəşriyyatlarının təşkilatçılığı ilə Bakıda keçirilən "Elazığ
çələngi" beynəlxalq
tədbirinin iştirakçıları
olan Elazığ vilayətinin bir qrup tanınmış şair-jurnalisti sentyabrın
16-da Mətbuat Şurasında
(MŞ) olmuşdur.
MŞ-nin sədri Əflatun Amaşov türkdilli ölkələrin dövlət
başçılarının zirvə toplantısı ilə eyni vaxta
təsadüf edən
görüşün əhəmiyyətini
vurğulayaraq bildirmişdir
ki, dili, dini, adət-ənənəsi
bir olan xalqlarımız arasında
əlaqələrin genişləndirilməsində söz
sənəti də körpü rolunu oynayır. MŞ sədri bu sahədə ədəbiyyat təmsilçiləri
ilə yanaşı, jurnalistlərin də yerinə yetirdikləri missiyanın məsuliyyətindən
danışmışdır.
Görüşdə milli
mətbuatımızın yaranmasında,
ötən əsrin əvvəllərində Azərbaycanda
ictimai fikrin formalaşmasında, tariximizin
digər mərhələlərində
belə əlaqələrin
misilsiz təsiri xüsusilə qeyd olunmuşdur.
Nümayəndə heyətinin
rəhbəri, "Manas"
nəşriyyatının direktoru
M.Şener Bulud təmsil etdikləri vilayətin Türkiyədə
ədəbiyyat və
mədəniyyət mərkəzi
kimi dəyərləndirildiyini
diqqətə çatdırmışdır.
Qonaq hər bir elazığlının
bu vilayətdə türk dünyasının
görkəmli yazıçısı
Almas İldırımın
yaşamasından, Elağız
şəhərində onun
və Azərbaycanın
xalq şairi Bəxtiyar Vahabzadənin adlarını daşıyan
küçələrin olmasından
qürur duyduqlarını
demişdir.
Sonra o, vilayət
barədə müfəssəl
məlumatların yer aldığı "Elazığ
çələngi" kitabını
MŞ sədrinə təqdim
etmişdir.
Görüşdə Fırat
Universitetinin jurnalistika
fakültəsinin professoru
Tarık Özcan 20 min tələbənin təhsil aldığı
bu ali məktəbin
öz televiziya, radio kanalına, qəzetinə malik olmasından söhbət açmışdır. Universitetin müəllimi
Receb Bağçı,
şair-jurnalistlərdən Midhət Yılmaz (A.İldırımın oğlu),
Hadi Önal və Günerken Aydoğmuş qardaş ölkələrimizin yazarları
arasındakı ədəbi-bədii
əlaqələrdən danışmış,
rəy və təkliflərini bildirmişlər.
Qonaqlara Həsən bəy Zərdabinin "Təbiət və insan" kitabı təqdim olunmuşdur.
AzərTAc
Azərbaycan.- 2010.- 17 sentyabr.- S. 6.