Azərbaycan Prezidenti İlham Əliyev "The Wall Street Journal"a müsahibə vermişdir

Xüsusi müxbirimiz xəbər verir ki, yanvarın 27-də İsveçrədə işgüzar səfərdə olan Azərbaycan Respublikasının Prezidenti İlham Əliyev Davosda "The Wall Street Journal"ın müxbirlərinə müsahibə vermişdir.

Dövlətimizin başçısı Ermənistan-Azərbaycan, Dağlıq Qarabağ münaqişəsi, ATƏT-in Minsk qrupu həmsədrlərinin bu məsələ ilə bağlı fəaliyyəti, regional məsələlər, Azərbaycanda enerji sahəsində görülən işlər, Avropanın enerji təhlükəsizliyinin təmin edilməsində Azərbaycanın rolu və digər mövzularda suallara cavab verdi.

AzərTAc

Azərbaycan.- 2010.- 28 yanvar.- S. 1.