Azərbaycan Prezidenti İlham Əliyev
Bakının şəhərətrafı qəsəbələrinin
sosial-iqtisadi inkişafı ilə bağlı Qaradağ
rayonunun Qobustan və Ələt qəsəbələrində
görülən işlərlə tanış olmuşdur
Xəbər verdiyimiz kimi, Azərbaycan Prezidenti İlham Əliyevin sədrliyi ilə martın 9-da Bakı Şəhər İcra Hakimiyyətində şəhərətrafı qəsəbələrin sosial-iqtisadi inkişafına həsr olunmuş müşavirə keçirilmişdi. Həmin müşavirədə dövlət başçısı şəhərətrafı qəsəbələrin sosial-iqtisadi inkişafı ilə bağlı tapşırıqlar vermişdi. Verilən tapşırıqların icrası ilə yerindəcə tanış olmaq üçün aprelin 4-də Prezident İlham Əliyev Qaradağ rayonunun Qobustan və Ələt qəsəbələrində olmuşdur.
Bakı Şəhər İcra Hakimiyyətinin başçısı Hacıbala Abutalıbov Qobustan qəsəbəsinin sxemi əsasında təmirə ehtiyacı olan yollar barədə dövlət başçısına məlumat verdi. Qeyd edək ki, 14 min 585 nəfər əhalisi olan Qobustanda artıq qəsəbədaxili yolların əsaslı təmirinə başlanılıb. İndiyə qədər yolların 10 min kvadratmetr hissəsinə yeni asfalt örtüyü döşənib. Yolun qalan 18 min kvadratmetr hissəsinin də asfalt örtüyü təzələnəcəkdir. Məhəllədaxili bütün küçələrdə yeni işıqlandırma sistemi quraşdırılacaqdır.
Qəsəbədə görülən işlərlə yaxından tanış olan Prezident İlham Əliyev sakinlərlə görüşdü.
Sakinlər dövlət başçısını hərarətlə qarşıladılar.
Qobustan qəsəbəsinin sakinlərini salamlayan Prezident İlham ƏLİYEV dedi:
- Sizi salamlayıram, xoş gördük. Qobustan qəsəbəsinin inkişafı ilə bağlı müvafiq göstərişlər verilmişdir. İndi işlər başlayıbdır. Birinci mərhələdə biz yolların çəkilişi ilə məşğul olacağıq. Çünki buna böyük ehtiyac var. Qobustan qəsəbəsinin yollarının, demək olar ki, hamısı torpaq yollardır. Asfalt salınmayıb, keçmişdə də olmayıb, indi də yoxdur. Əlbəttə, bu, böyük çətinliklər yaradır. Çünki yağış yağanda, qar yağanda bu yollardan keçmək mümkün deyil. İndi mən maşınla gələndə görürdüm, sağ-soldakı küçələrin hamısı torpaq yollardır. Ona görə biz bu gün bu işlərə başlayırıq. Bütün küçələr asfaltlanacaqdır. Bu işlər mərhələlərə bölünübdür. Hər bir mərhələdə müəyyən qədər işlər görülməlidir.
Bütövlükdə Bakı şəhəri qəsəbələrinin inkişafı ilə bağlı müvafiq göstərişlər verilmişdir. Keçən ayın əvvəlində böyük müşavirə keçirilmiş, göstərişlər verilmiş, proqram hazırlanmışdır. Bu ay proqram təsdiq olunacaq və onun icrası nəticəsində qəsəbələrin hamısında bütün infrastruktur məsələləri və sosial məsələlər öz həllini tapacaqdır.
İlk
növbədə isə yollar. Çünki buna ən
böyük ehtiyac var. Ondan sonra işıq dirəkləri
qoyulacaq. Qəsəbə yolları, demək olar ki,
işıqlandırılmır, axşamlar qaranlıq olur.
Sosial obyektlərə gəldikdə, mənə
indi məlumat verildi ki, məktəb tikintisinə ehtiyac var. Xəstəxana
çox bərbad vəziyyətdədir. Deyə
bilərəm ki, dözülməz vəziyyətdədir.
Bu məsələləri biz operativ şəkildə
həll edəcəyik.
Bütövlükdə
ölkəmizdə böyük quruculuq işləri
aparılır. Hər bir bölgəyə, hər bir
rayona dair xüsusi proqramlar var. Belə olan halda, Bakı qəsəbələrinin
inkişafı ilə bağlı, əlbəttə ki, daha da
ciddi tədbirlər görülməlidir.
Son illər ərzində
müəyyən işlər görülübdür. Məktəb tikintisi,
tibb məntəqələrinin tikintisi layihələri icra
olunubdur. Ancaq növbəti illərdə
daha da genişmiqyaslı işlər görülməlidir.
Bax, indi Bakı-Ələt yolu dünyanın ən
yüksək standartlarına cavab verir. Hətta
işıq dirəkləri də qurulur. Baxmayaraq
ki, dünya təcrübəsində magistral yollarda
işıq olmur. Amma biz bunu da edirik. Qəsəbədaxili yollar da elə olmalıdır.
Qəsəbələrarası yollar
yaxşı olmalıdır. Yəni
insanların rahatlığı üçün, işləməsi
üçün, yaxşı yaşaması üçün
bütün işləri biz görürük. Bu, birinci addımdır. Bundan
sonra daha da böyük işlər görüləcəkdir.
Yenə də demək istəyirəm ki, qəbul olunacaq
proqram bütün qəsəbələri əhatə edəcək
və hər bir qəsəbə üçün ayrıca
iş qrafiki tərtib olunacaqdır. Bu,
böyük bir işdir. Çünki
Bakının ətrafında 40-dan çox qəsəbə
var. O qəsəbələrdə 800 mindən artıq əhali
yaşayır. Necə deyərlər, - mən
bir dəfə demişəm, - özlüyündə
böyük bir şəhər boyda qəsəbələrdir.
Əlbəttə ki, bu işləri görmək
üçün böyük vəsait və vaxt tələb
olunacaqdır. Ancaq mən istəyirəm
ki, bütün bu işləri maksimum qısa müddət ərzində
görək. Əlbəttə ki, burada
yerli icra orqanlarının fəaliyyətindən çox
şey asılı olacaqdır. Eyni zamanda,
qəsəbə sakinləri də bütün bu gözəl
təşəbbüslərə qoşulmalı, fəal
iştirak etməlidirlər. Həm də
öz təkliflərini, iradlarını bildirməlidirlər
ki, hansı məsələlər daha da tez həll
olunmalıdır, hansı məsələlər narahatlıq
doğurur, harada biz nəyi düzəltməliyik, nəyi etməliyik.
Yəni bu bağlantı olmalıdır ki, biz də
tam məlumat əldə edək ki, işlər hansı
ardıcıllıqla görülməlidir.
Bu gün mən gəlmişəm
ki, həm işin başlanğıcı ilə
SAKİN:
Cənab Prezident! Bizim qəsəbəyə xoş gəlmisiniz!
Sizi görməyimizə çox şadıq.
Mən 17
nömrəli şəhər xəstəxanasının
baş həkimiyəm. Sizin sərəncamınıza əsasən
görülən işlər bizim qəsəbədə də
göz qabağındadır. Bizim çox
yollarımız asfaltlanıb, işıq, qaz fasiləsiz
verilir. Sizə çox minnətdarıq.
Rayonumuz da abadlaşır. Abadlıq
işləri göz qabağındadır. Ancaq Sizdən bir xahişimiz vardır. Bizim xəstəxana bərbad vəziyyətdədir.
1952-ci ildə tikilmiş köhnə binada yerləşir.
Onun yenidən qurulmasına ehtiyac var, poliklinika,
təcili yardım xidməti bir həyətdə olsa çox
yaxşı olar. Əminik ki, Sizin
buraya gəlməyiniz bizim problemimizin həllinə
böyük dəstək olacaqdır.
Məktəbimizin
də binası kiçikdir. Təzə orta məktəbin də
tikilməsinə böyük ehtiyacımız vardır, idman
salonu da olsun ki, uşaqlar orada məşğul ola
bilsinlər. Başqa problemlərimiz yoxdur.
Prezident İlham ƏLİYEV: Bunları həll edəcəyik.
SAKİN:
Çox sağ olun.
Prezident İlham ƏLİYEV: Mən bilirəm ki, qəsəbələrdə
qaz, işıq problemləri həll olunub, içməli su
problemi vardır, bu da həll olunacaqdır. Məktəb,
xəstəxana tikintisi ilə bağlı mən müvafiq
göstərişlər verəcəyəm ki, bu məsələ
də öz həllini tapsın. Uşaqlar
yaxşı şəraitdə oxumalıdırlar. Son illərdə ölkəmizdə iki mindən
artıq məktəb binası tikilib, amma yenə də qəzalı
vəziyyətdə olan məktəblər vardır. Onları biz bərpa etməliyik, yenilərini tikməliyik.
Bunu edəcəyik. Daha
hansı məsələlər həll olunmalıdır?
SAKİN: Əvvəlcə
təbrik edirik Sizi!
Prezident İlham ƏLİYEV: Sağ olun.
SAKİN:
Siz mənə dediniz ki, yerinə yetirəcəyəm,
yetirmisiniz. Çox sağ olun, çox
minnətdaram. Sizin mənə
yaxşılığınız ürəyimi daha da şad
edir.
Prezident İlham ƏLİYEV: Bəli, bəli.
SAKİN:
Çox xoş gəlmisiniz!
Prezident İlham ƏLİYEV: Çox sağ
olun.
SAKİN: Sizə minnətdarlığımı
bildirirəm. Sizin sayənizdə lap
yaxşı yaşayıram.
Prezident İlham ƏLİYEV: Çox sağ
olun.
SAKİN:
Bircə arzum vardır. Qəsəbəmiz,
rayonumuz çox gözəldir, camaatımız hamısı
razıdır. Sizin gəlişiniz daha bir
ürəkaçan hadisə, əsl bayram kimi bizə xoş
təəssürat bağışladı. Bircə xahişim var Sizdən. İmkan
olsa, qəsəbənin məktəb problemini həll edərdiniz.
Prezident İlham ƏLİYEV: Bəs uşaqlar haraya gedirlər?
SAKİN:
Uşaqlar buradakı məktəbə gedirlər.
Prezident İlham ƏLİYEV: Uzaqdır buradan?
SAKİN:
Hə, uzaqdır. Çox uzaqdır. Görürsünüz, yolun kənarı ilə dəstə-dəstə
uşaqlar dərsə gedirlər. Amma bu
yanda bir məktəb olsa, çox rahat olar.
Prezident İlham ƏLİYEV: Bunu da həll edərik, həll
edərik.
SAKİN:
Çox sağ olun.
SAKİN:
Allah köməyiniz olsun. Sağ olun.
Prezident İlham ƏLİYEV: Ümumiyyətlə,
Qaradağ rayonu mənim üçün doğma rayondur,
bilirsiniz.
SAKİN:
Hamı da Sizi doğma bilir.
Prezident İlham ƏLİYEV: Mən 1995-ci ildən buradan
deputat seçilmişəm. Demək olar ki, mənim
siyasi fəaliyyətim Qaradağ rayonunda
başlamışdır. Çox sevinirəm
ki, son illər ərzində Qaradağ rayonunda yaxşı
işlər görülüb. Bu
yaxınlarda, bir neçə ay əvvəl Lökbatanda
olmuşam. Lökbatanı tanımaq
mümkün deyil. Həm binalar, həm
yollar, istirahət parkları, ictimai yerlər elə gözəlləşib,
elə abadlaşıb ki. Bəli, icra
hakimiyyətinin başçısından çox şey
asılıdır. Mən bütün icra
hakimiyyəti başçılarına göstəriş verirəm
ki, yaxşı işləsinlər, insanlarla əlaqədə
olsunlar. Bütün problemləri həll
etməliyik, bunun üçün bütün imkanlar da
vardır. Həm siyasi iradə vardır, həm
də indi maliyyə imkanlarımız vardır. İqtisadiyyatımız da inkişaf edir. Sadəcə olaraq, problemləri düzgün təhlil
etmək lazımdır və onun həlli yolları müəyyən
edilməlidir. Ona görə mən
ümid edirəm ki, Qobustan qəsəbəsində də
qısa müddət ərzində müsbətə doğru
çoxlu işlər görüləcəkdir.
SAKİNLƏR: Allah qoysa! Sağ olun, Allah köməyiniz olsun! Sağ
olun, cənab Prezident!
SAKİN:
Bizim qəsəbəyə gəldiyiniz üçün, bu
gözəl bayramı bizə nəsib etdiyiniz
üçün Sizə bütün qəsəbənin
ictimaiyyəti adından, ziyalıları adından ürəkdən
təşəkkür edirik. Sizin Bakıətrafı
qəsəbələrin abadlaşdırılması ilə
bağlı verdiyiniz bütün tapşırıqların
icrası Bakını bir cənnətə çevirir.
Siz çox
doğru buyurdunuz, bizim Lökbatan qəsəbəsi buna bariz
nümunədir. Yəqin ki, Sizin bu gəlişinizdən
sonra qəsəbəmiz də çıraqban olacaq, cənnətə
çevriləcəkdir. Buna görə
Sizə dərin təşəkkürümüzü
bildiririk.
Prezident İlham ƏLİYEV: Sağ olun.
SAKİN:
Mədəniyyət sahəsində bu qədər
böyük işlər gördüyünüzə görə
biz Sizə və Mehriban xanıma bütün mədəniyyət
işçiləri adından öz minnətdarlığımızı
bildiririk. Mənim Sizdən bir xahişim var: bizim qəsəbədə
uzun illərdir çox gözəl mədəniyyət evi fəaliyyət
göstərir, onun təmiri məsələsində kömək
göstərin. Çox xahiş edirik!
Prezident İlham
ƏLİYEV: Yaxşı, onu da edərik. Qaradağ
rayonunun bütün qəsəbələrində quruculuq
işləri daha da sürətlə getməlidir. Çünki bilirsiniz ki, Qaradağ rayonu ən
böyük rayondur. Bakının
yarısı qədər ərazisi vardır. Qəsəbələr də bir-birindən kifayət
qədər aralıdır. Ona görə
Qaradağ rayonunun öz xüsusiyyətləri var. Burada əraziyə
nisbətən əhali o qədər çox deyil və qəsəbələrin
aralı olması işləri bir qədər çətinləşdirir.
Ancaq hər bir
qəsəbə üzrə konkret tapşırıqlar
verilmişdir və ümid edirəm ki, biz bu proqramın
böyük hissəsini 2013-cü ilə qədər həyata
keçirəcəyik. O vaxta qədər nəyi görə bilməsək,
ondan sonrakı illərdə görüləcəkdir. Çünki mən bir də demək istəyirəm
ki, maliyyə vəsaiti baxımından məhdudiyyət
olmayacaqdır. Əsas odur ki, tezliklə
bunu edək. Bəzi hallarda texniki imkanlar bir az məhdud ola bilər. Amma hər halda,
2013-cü ilə qədər, demək olar ki, növbəti
iki il yarım ərzində əsas məsələlər
öz həllini tapmalıdır.
SAKİNLƏR: İnşallah, Allah qoysa. Sizə
uğurlar arzulayırıq.
Prezident İlham ƏLİYEV: Çox sağ
olun. Mən xahişlərinizi yerinə yetirəcəyəm.
Məktəb, xəstəxana tikintisi, mədəniyyət
evinin təmiri ilə bağlı müvafiq göstərişlər,
sərəncamlar veriləcək və işlər
görüləcəkdir.
Sonda xatirə
şəkli çəkdirildi.
* * *
Qobustan qəsəbəsinin
sakinləri ilə görüşdən sonra Prezident İlham
Əliyev Ələt qəsəbəsinə gəldi. Burada da
görülən işlər barədə dövlət
başçısına məlumat verildi. Bildirildi
ki, Ələtdə qəsəbədaxili yolların 4 min 500
kvadratmetrinə yeni asfalt örtüyü döşənib.
Yolun 22 min kvadratmetr hissəsinə isə asfalt
örtüyü döşəmək üçün ilkin
hazırlıq işləri başa çatdırılıb.
Prezident
İlham Əliyevin tapşırığı ilə Ələt
qəsəbəsində məktəb və xəstəxana
üçün yeni binaların tikintisinə də
başlanılacaqdır. Bütövlükdə Qaradağ rayonunun
ayrı-ayrı qəsəbələrində 60 min kvadratmetr
daxili yollar əsaslı təmir ediləcəkdir.
Görülən
işlərlə tanışlıqdan sonra Prezident İlham Əliyev
Ələt qəsəbəsinin sakinləri ilə
görüşdü.
Sakinlər
dövlət başçısını hərarətlə
qarşıladılar.
Prezident İlham ƏLİYEV qəsəbə sakinlərinə
müraciətlə dedi:
- Ələt qəsəbəsində
yollar çəkilir. Deyə bilərəm ki, bu tarixdə ola
bilər ki, ilk dəfədir burada yollar çəkilir. Mənə verilən məlumata görə bu qəsəbənin
yollarının hamısı demək olar ki, torpaq yollar olub.
Yağış yağanda, hava şəraiti
pozulanda bu yollardan keçmək mümkün deyildir. Ona görə qəsəbə yollarının
tikintisi birinci dərəcəli məsələdir - hər
bir qəsəbədə, o cümlədən Ələt qəsəbəsində.
Amma bu, böyük vəsait tələb edən
işdir. İndi mənə məlumat
verildi ki, 600 min kvadratmetr asfalt vurulmalıdır ki,
bütün qəsəbə yollarını normal vəziyyətə
çatdıra bilək. Biz bu işləri
tədricən görəcəyik. Bu,
birinci mərhələdir. Bakıətrafı
qəsəbələrin hamısında quruculuq işləri
aparılmalıdır. Tapşırıqlar
da verilmişdir. İndi gəlmişəm
ki, sizdən eşidim, hansı problemləriniz vardır, biz nəyi
etməliyik, birinci növbədə, bundan sonrakı mərhələlərdə
nə etməliyik?! Təbii, qarşıya vəzifə
qoyulub ki, bütün qəsəbələrdə infrastruktur,
yollar, qaz, işıq, su, kanalizasiya xətləri, sosial obyektlər,
məktəb, xəstəxanalar tikilməlidir, təmir
olunmalıdır və normal vəziyyətə
çatdırılmalıdır.
Yenə də
demək istəyirəm ki, böyük bir proqramdır. Ancaq
hazırda təxirəsalınmaz tədbirlər görülməlidir
ki, bu işləri yerinə yetirək.
Qaradağ rayonu
inkişaf edir, abadlaşır, yeni müəssisələr
yaradılır. Qaradağ rayonu əslində
ölkə miqyasında böyük sənaye mərkəzinə
çevrilməlidir. Mən keçən
dəfə Qaradağ rayonunda olarkən bu barədə fikirlərimi
bildirmişəm, ondan sonra Nazirlər Kabinetinin iclasında bu
barədə sözlərimi demişəm.
Ölkəmizdə
üç əsas sənaye mərkəzi
yaradılmalıdır, onlardan biri Qaradağ rayonudur. Hazırda
rayonda böyük müəssisələr, sement zavodu
inşa olunur, yəqin ki, ikinci sement zavodu da tikilməlidir.
Ondan sonra gəmiqayırma zavodu tikilir. Ələt qəsəbəsində yeni Beynəlxalq
Dəniz Ticarət Limanı tikilir. Bu liman istismara veriləndən
sonra burada minlərlə yeni iş yeri açılacaq ki, Ələt
qəsəbəsinin sakinləri də orada işləyə
bilərlər. Yəni, bütövlükdə
rayonun güclü sənaye mərkəzinə çevrilməsi
prosesi gedir. Bununla bərabər,
bütün sosial məsələlər də öz həllini
tapmalıdır. Rayon üçün ilk
növbədə, bu yolların salınması böyük əhəmiyyət
kəsb edir. Çünki bir daha demək
istəyirəm, siz bunu yaxşı bilirsiniz ki, burada asfalt
yollar olmayıb. Amma bundan sonra olacaqdır.
Bu, birinci yoldur. Artıq xəritədə
də göstərilib, biz harada nə işləri görəcəyik.
Tezliklə bütün yollar asfaltla
örtülməlidir.
SAKİN:
Cənab Prezident! Bizim Ələt qəsəbəsinə
xoş gəlmisiniz. Həmişə Siz gələsiniz.
Sevinirik ki, Siz bu gün bizimləsiniz.
Televizor vasitəsilə
biz Sizin çıxışlarınıza həmişə
diqqətlə qulaq asmışıq, baxmışıq,
xüsusən bölgələrdəki
çıxışlarınıza. Sevinirik ki, Qaradağ
rayonunu addım-addım gəzirsiniz və Ələtə gəlmisiniz.
Təvazökarlıqdan uzaq olsa da deyim ki, mən
müəllimlər qurultayının nümayəndəsi
olanda ümummilli liderimizin nitqinə də qulaq asmışam
və görüşmüşəm. Fəxr
edirəm ki, Sizinlə də görüşürəm.
Oğullar
ataların yollarını davam etdirirlər. Buna görə
də Sizə minnətdarıq ki, hər şeyi yollardan
başlamısınız, çünki yol mədəniyyətdir.
Respublikanın hər bir bölgəsində
olduğu kimi, Ələtin də, Qaradağ rayonunun digər
bölgələrinin də problemləri vardır. Mən bu problemləri Sizə demək istəyirdim,
Siz özünüz bu problemlərdən
danışdınız. Amma xahiş edərdim
ki, su, kanalizasiya problemlərinin həllində bizə kömək
edəsiniz. Bilirəm ki, yeni-yeni məktəblər
tikilir, bağçalar təmir olunur. İstərdim
ki, Qaradağ rayonunu da heç vaxt unutmayasınız və
bilirəm ki, unutmursunuz. Mən Sizə ailə
səadəti arzulayıram.
Səadət isə
üfüqdür əl çatmaz ona,
Aydın
görünsə də o bizə gendən.
Arzular
sığışmır onun yoluna,
Səndən uzaqlaşır
yeridikcə sən,
Tapdım səadəti dara
düşəndə,
Alıb öz
gücümü xəyallarımdan,
Kiməsə, nəyisə,
hardasa mən də
Gərək
olduğumu bildiyim zaman.
Çıraq ol, nurunuz
artsın günbəgün,
Hər yerdə
həyatın boğun zülmətin.
Məncə, çıraq
olub xalqı üçün
yananlar tapıbdır səadətini.
Sizə
cansağlığı arzulayıram.
Prezident İlham ƏLİYEV: Çox sağ
olun. Burada bütün sosial məsələlər
tədricən həll olunmalıdır və hər bir qəsəbənin
xüsusi inkişaf planı olmalıdır. İndi bütün müvafiq göstərişlər
verilmişdir ki, hər bir qəsəbə üzrə təxirəsalınmaz
tədbirlərin siyahısı da tutulsun. Əslində
bu məsələlər, bu problemlər bəllidir. Biz bunları bilirik. Su, kanalizasiya
problemi, əfsuslar olsun ki, nəinki bu qəsəbə
üçün, bütün qəsəbələr
üçün ciddi problemdir.
İndi ölkəmizdə
böyük və geniş proqram icra olunmağa
başlayır. Hər bir bölgədə, o cümlədən
Bakıda su, kanalizasiya problemlərinin həlli
üçün tədbirlər görülür. Hazırda bu, ən ciddi problemdir. Çünki vaxtilə elektrik enerjisi ilə
bağlı problemlər də tədricən həll olunub.
Bu gün bu problem yoxdur. Sizdə
də yoxdur. Qazlaşdırma gedir. Ölkəmizin hər bir yerində indi qaz xətləri
çəkilir. Bildiyimə görə, Ələt
qəsəbəsində də qazlaşdırma
aparılıbdır və qaz verilir.
SAKİN:
Vəziyyət çox yaxşıdır.
Prezident İlham ƏLİYEV: Ona görə içməli
su, kanalizasiya problemləri öz həllini gözləyir. Amma bu problem onilliklər, yüzilliklər ərzində
bizim üçün ağrılı problem olub. Əvvəlki dövrdə - maliyyə
imkanlarımız məhdud olan zaman xaricdən kredit almaq
çətin idi, yəni, problem həll olunmurdu. Hazırda daxili resurslarımız hesabına biz bu
problemi həll etməliyik və müvafiq
tapşırıqlar verilibdir. Hər bir qəsəbədə,
hər bir rayonda su, kanalizasiya problemləri həll
olunmalıdır. Bununla bərabər, yenə
də qeyd etmək istəyirəm ki, məktəb tikintisi, xəstəxanaların
təmiri, tikintisi, yolların çəkilişi getməlidir.
Bu yollarda, əlbəttə asfalt da,
işıqlar da, işıq dirəkləri də yox idi.
Yəni axşamlar bura zülmət qaranlıq
idi. Ona görə işıq dirəkləri
də qoyulmalıdır. Yəni, biz bu
işlərə kompleks şəkildə və çox ciddi
yanaşmalıyıq.
Regionların
sosial-iqtisadi inkişafı proqramı var və artıq ikinci
mərhələsi başlanıbdır. Bakı qəsəbələrinin
də proqramı olmalıdır. Bu proqram
indi hazırlanır. Bu ay təsdiq olunacaq
və mətbuatda dərc ediləcəkdir. Hər bir vətəndaş görəcək ki,
onun qəsəbəsində hansı işlər
görülməlidir. Bu proqramı
çox müfəssəl şəkildə tərtib etmək
üçün biz yerlərdən təklifləri
yığmalıyıq. Yəni, sizin
qaldırdığınız məsələlər,
şübhəsiz, bu proqramın çərçivələrinə
daxil olunacaqdır. Ola bilsin ki, məktəb,
xəstəxana ilə bağlı məsələlər
ondan əvvəl də həll edilsin. Prezidentin
Ehtiyat Fondundan vəsait ayrılacaq ki, bu məsələlər
həll olunsun. Sizdən xahiş edirəm
ki, bu proqramın icrası ilə bağlı əgər hər
hansı bir problem, narazılıq, şikayət olarsa, həm
mənə, həm rayon icra hakimiyyətinə, şəhər
icra hakimiyyətinə müraciət edin. Biz
bilməliyik ki, nəyi etməliyik, nəyi düzəltməliyik?!
Hansı çatışmayan məsələlər
var ki, biz tezliklə bunları həll edək.
Mən əminəm
ki, yaxın zamanlarda, bir neçə ildən sonra Bakı qəsəbələrinin
bütün problemləri öz həllini tapacaqdır.
SAKİNLƏR: Çox sağ olun.
* * *
Sonda sakinlər
Prezident İlham Əliyev ilə xatirə şəkli çəkdirdilər.
AzərTAc
Azərbaycan.- 2011.- 5 aprel.- S. 1, 2.