Ermənistan-Azərbaycan, Dağlıq Qarabağ münaqişəsi ilə bağlı itkin düşmüş şəxslər haqqında məlumat bazası yaradılmışdır

Beynəlxalq Qızıl Xaç Komitəsi (BQXK) Ermənistan-Azərbaycan, Dağlıq Qarabağ münaqişəsi ilə bağlı itkin düşmüş şəxslər haqqında məlumat bazası yaratmışdır.

AzərTAc xəbər verir ki, məqsəd itkin düşmüş şəxslərlə bağlı məlumatları bir bazada toplamaq və gələcəkdə onların taleyinə aydınlıq gətirilməsinə yardım göstərməkdir.

Cari ilin yanvarında itkin düşmüşlər ilə bağlı BQXK tərəfindən hazırlanmış xüsusi məlumat bazası Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasına təqdim edilmişdir. Sorğular nəticəsində əldə edilmiş məlumatlar mərhələli şəkildə Dövlət Komissiyasına təqdim olunur. Azərbaycan Qızıl Aypara Cəmiyyəti ilə birgə aparılmış sorğu nəticəsində 4575 şəxs itkin düşmüş kimi qeydə alınmışdır.

Azərbaycan.- 2011.- 26 avqust.- S. 1.