Birləşmiş Millətlər Təşkilatının Baş katibi zati-aliləri cənab Pan Gi Muna

Hörmətli cənab Baş katib!

Nigeriyanın Abuca şəhərində BMT-nin qərargahı qarşısında törədilmiş partlayış nəticəsində çoxsaylı insan tələfatı xəbəri bizi son dərəcə sarsıtdı.

Bu amansız hadisə terrorizmə qarşı hər zaman və hamılıqla mübarizə aparılmasının zəruriliyini bir daha təsdiq edir. Biz bəşəriyyət üçün dəhşətli bəlaya çevrilmiş terrorizmi qətiyyətlə pisləyir, ona qarşı mübarizəni hər cür dəstəkləyirik.

Baş vermiş faciə ilə əlaqədar Sizə, həlak olanların ailələrinə və yaxın adamlarına dərin hüznlə başsağlığı verir, yaralananlara və xəsarət alanlara şəfa diləyirəm.

İlham ƏLİYEV,

Azərbaycan Respublikasının Prezidenti

Bakı, 27 avqust 2011-ci il

Azərbaycan.- 2011.- 28 avqust.- S. 1.