Abdullah GÜL:

Fransa ATƏT-in Minsk qrupunda vasitəçiliyini dayandırmalıdır

Fransa qondarma "erməni soyqırımı"nın inkarına görə cinayət məsuliyyətini nəzərdə tutan qanun layihəsini qəbul etdikdən sonra ATƏT-in Minsk qrupunda öz vasitəçiliyini dayandırmalıdır, çünki ölkə öz neytrallığını itirib. Trend-in məlumatına görə, bunu Türkiyə Prezidenti Abdullah Gül bəyan edib. Məlumatı TRT Haber telekanalı yayıb.

Gülün sözlərinə görə, "erməni soyqırımı" haqqında qanunun qəbulu Qafqazda sabitliyin bərqərar olması işinə ziyan vurur, o cümlədən Azərbaycanla Ermənistan arasında onsuz da gərgin olan vəziyyəti pisləşdirir.

Azərbaycan.-2011.-24 dekabr.-S.8.