Azərbaycan ilə NATO arasında FTƏP-in 3-cü mərhələsi razılaşdırılmışdır

Fərdi Tərəfdaşlıq üzrə Əməliyyat Planının (FTƏP) 3-cü mərhələsi Azərbaycan Respublikası ilə NATO arasında razılaşdırılmışdır.

Xarici İşlər Nazirliyinin mətbuat xidmətindən AzərTAc-a bildirmişlər ki, dekabrın 19-da razılaşdırılmış sənədin 3-cü mərhələsi 2012-2013-cü illəri əhatə edir.

Sənəd siyasi və təhlükəsizlik, müdafiə və hərbi, ictimai məlumatlandırma, mülki fövqəladə planlaşdırma, məlumatların təhlükəsizliyi, elm və ətraf mühit, inzibati, resurslar və hüquqi məsələləri əhatə edən dörd bölmədən ibarətdir.

Azərbaycanın NATO ilə FTƏP-in birinci fazası 2005-ci ildə təsdiq olunmuşdur. Həmin dövrdən bəri FTƏP iki fazada uğurla yerinə yetirilmişdir. Bu məqam ən müxtəlif səviyyələrdə NATO rəsmiləri tərəfindən yüksək qiymətləndirilmişdir.

Azərbaycan.- 2011.- 31 dekabr.- S. 5.