II Azərbaycan-Almaniya
Cərrahiyyə Günləri
çərçivəsində müxtəlif mövzularda
məruzələr oxunmuşdur
Heydər Əliyev Fondunun dəstəyi ilə akademik M.Topçubaşov adına
Elmi Cərrahiyyə Mərkəzində keçirilən
II Azərbaycan-Almaniya Cərrahiyyə
Günləri davam edir. Tədbirin üçüncü günü
Almaniyanın Heydelberq
Universitetinin Mannheim Cərrahlıq Klinikasının
direktoru Stefan Post "Müasir cərrahiyyədə yeni prinsiplər" mövzusunda
məruzə oxumuşdur.
Eyni zamanda, tədbir
çərçivəsində tibb bacıları üçün təşkil
olunmuş treninqdə
"Müasir cərrahiyyədə
tibb bacısı işinin əsas aspektləri" mövzusu
müzakirə edilmişdir.
Qeyd edək ki, alman və
yerli mütəxəssislərin
iştirakı ilə
gün ərzində müxtəlif xəstəliklərdən
əziyyət çəkən
xəstələrin konsultasiyası
reallaşdırılacaqdır.
Azərbaycan.- 2011.-3 fevral.- S. 4.