Opera səhnəsinin yeni
ulduzu
Bakıda doğulub boya-başa çatmış və Milli Opera və Balet Teatrında fəaliyyət göstərmiş
lirik-dramatik soprano Dinara
Əliyeva öz ifaçılıq məharəti
ilə Azərbaycandan
uzaqlarda da yaxşı tanınır. O, vokalçıların
2007-ci ildə Afinada keçirilən Mariya Kallass adına Beynəlxalq müsabiqədə
ikinci mükafata,
2007-ci ildə Moskvada Qalina Vişnevskayanın şərəfinə keçirilən
müsabiqədə diploma, İrina Arxipova adına Beynəlxalq Fondun fəxri medalına layiq görülmüş, 2007-ci ildə
"Şimali Palmira Milad görüşləri"
Beynəlxalq festivalında
"Triumfal debütə
görə" xüsusi
diplom ilə təltif edilmişdir.
Dinarə Əliyeva Monserrat Kabalyedən, Yelena Obraztsovadan ustad dərsləri alıb
professional ifaçı səviyyəsinə
yüksələ bilmişdir. Ona dünya
opera səhnələrinin parlayan
gənc ulduzu deyirlər. Dinara Əliyeva 2009-cu ildə
solisti olduğu Azərbaycanın Milli
Opera və Balet Teatrından Rusiyanın dünyada məşhur Bolşoy Teatrına dəvət olunmuşdur.
2007-ci ildən Sankt-Peterburqun konsert xadimləri ittifaqının üzvüdür. Bakının Opera və Balet Teatrı
ilə əlaqələrini
davam etdirən müğənni Rusiyanın,
habelə dünyanın
aparıcı teatrlarının
və konsert salonlarının səhnələrində
opera solisti kimi çıxış edir.
Dinləyiciləri bütün
registrlərdə məftun
edən ürəyə
yatımlı, geniş
diapazonlu gözəl,
güclü və çevik səsi, parlaq artistizmi ilə az
vaxtda çox məşhur olmuşdur. Dinara Əliyeva 1980-ci ilin dekabr ayında
Bakıda anadan olmuş, Bülbül adına xüsusi
orta musiqi məktəbinin fortepiano sinfini,
2004-cü ildə isə
Bakı Musiqi Akademiyasının vokal sinfini bitirmişdir. Anası uşaq xoru dirijoru, atası qrim ustası olmuş, nənə və babası Rusiya Federasiyasının
"Leginka" ansamblında
çıxış etmişlər.
Dinara deyir ki, atam
mənim pianoçu olmağımı istəyirdi. Lakin məndən
yaxşı pianoçu
alınmadı. Fortepiano imtahanlarından çox qorxurdum, əllərim titrəyirdi. Vokal ifaçılığı yolunu
seçdikdən sonra
səhnəyə çıxarkən
özümü çox
rahat hiss edir, tamaşaçılardan çəkinmirəm.
Dinaranın çox
sevdiyi partiyalardan biri Cüzeppe Verdinin "Traviata" operasında Violettanın partiyasıdır. Fransız
bəstəkarı Massnenin
"Manon" operasından
Manonun, Bellininin "Puritanlar" operasından
Elviranın partiyalarını
oxumaq arzusundadır.
Barselonada keçirilən
müsabiqə zamanı
münsiflər heyətinin
üzvlərindən biri
- dünyanın məşhur
vokal sənətçilərindən
sayılan Plasido Dominqodan birlikdə oxumağa dəvət aldıqdan sonra Dinara da Dominqonu
qala-konsertdən sonra Bakıya dəvət etdi. Dominqo Bakı
Filarmoniyasında Tofiq
Quliyevin "Sənə
də qalmaz" mahnısını Dinara ilə birlikdə oxudu. Onların bu çıxışı
tamaşaçılarda xoş
ovqat yaratdı.
Daha bir maraqlı fakt: Yunanıstanda məşhur
soprano Mariya Kallassın
şərəfinə keçirilən
müsabiqə zamanı
Dinara üçüncü
turun finalında çıxışını başa çatdıranda tamaşaçı-dinləyicilər iyirmi dəqiqə ayaq üstə dayanaraq onu alqışlamışdılar.
Lakin ona ikinci yeri vermişdilər.
Bundan qəzəblənən
tamaşaçı-dinləyicilər münsiflər heyətini
fitə basmışdılar.
İndi Dinaranın
arzusu dünyanın Metropoliten opera,
Dinara Azərbaycanda
da sevilir, uğurları yüksək
qiymətləndirilir. Ötən
il onun Azərbaycan
Respublikasının əməkdar
artisti fəxri adına layiq görülməsi buna ən parlaq misaldır.
Arif HÜSEYNOV
Azərbaycan.- 2011.-13 fevral.- S. 6.