Azərbaycanın ekologiya və təbii sərvətlər naziri ətraf mühit bölməsi üzrə Avropa Nazirlər Şurasının üzvü seçilmişdir

Azərbaycanın ekologiya və təbii sərvətlər naziri Hüseyn Bağırov ətraf mühit bölməsi üzrə Avropa Nazirlər Şurasının üzvü seçilmişdir.

Ekologiya və Təbii Sərvətlər Nazirliyinə Ümumdünya Səhiyyə Təşkilatının Avropa Regional Bürosunun direktoru Suzanna Jeykub və Birləşmiş Millətlər Təşkilatının Avropa İqtisadi Komissiyasının baş katibinin müavini Jan Kubişin imzası ilə daxil olan məktubda qeyd olunur ki, BMT-nin Avropa İqtisad Komissiyasının Ekoloji siyasət üzrə komitəsinin 2-5 noyabr 2010-cu il tarixlərində Cenevrə şəhərində keçirilən on yeddinci sessiyasında Azərbaycan, Belarus, Rumıniya və Türkiyənin ətraf mühit nazirləri bu sahə üzrə Avropa Nazirlər Şurasının üzvü seçilmişlər.

Eyni zamanda, BMT-nin Avropa İqtisad Komissiyasının Nazirlər Şurasının birinci iclasının 2011-ci ilin aprel ayında keçirilməsinin planlaşdırıldığı bildirilir.

Azərbaycan.- 2011.-15 fevral.- S. 2.