Ukrayna Prezidenti Azərbaycan XİN-in başçısı ilə görüşmüşdür

AzərTAc Ukrayna Prezidenti mətbuat xidmətinə istinadla xəbər verir ki, fevralın 24-də Ukrayna Prezidenti Viktor Yanukoviç Azərbaycanın xarici işlər naziri Elmar Məmmədyarov ilə görüşmüşdür.

Ukrayna dövlətinin başçısı Ukrayna-Azərbaycan münasibətlərinin davamlı şəkildə zənginləşməkdə olduğunu qeyd etmişdir. V.Yanukoviç bu yaxınlarda Davosda keçirilən Ümumdünya iqtisadi forumu zamanı Azərbaycan Prezidenti İlham Əliyev ilə konstruktiv görüşünü xatırlayaraq demişdir: "Biz birgə planlarımızı müzakirə etdik. Azərbaycan tərəfinin təklifləri Ukrayna üçün bu gün çox aktualdır. Bizim vəzifəmiz Azərbaycanın enerji resurslarının cəlb edilməsi istiqamətində daha fəal iş aparmaqdır. Ümid edirik ki, Odessa-Brodı kəməri ilə ilk milyon ton neftin ötürülməsi böyük layihələrə verilən startın əsasının qoyulduğuna zəmanətdir".

Azərbaycan.- 2011.-26 fevral.- S. 1.