Sən Xocalıya qayıdacaqsan

O vaxt sən dünyaya təzəcə göz açmışdın. Hələ ana südünün şirinliyindən başqa bir təam dadmamışdın. Düşmən gülləsindən aldığın yaralar yaman ağrı-acılar duydurdu sənə...

O vaxt sən beşiyində mışıl-mışıl yatırdın. Həzin ana laylasından qeyri hələ heç bir nəğmə eşitməmişdin. Düşmən topundan-tüfəngindən qopan vahiməli səslər körpə bağrını yamanca yardı sənin... O vaxt sən isti ana qucağında böyüyürdün. Bu "cənnət"i itirməyinin səbəbini o zaman dərk edə bilməzdin. Çox körpə idin axı...

İndi yaşın 20-yə çatıb. Deyirsən ki, Xocalıya dönmək istəyi ilə yaşayırsan və bu arzuya çatmaq üçün silaha sarılmağa, döyüşməyə də hazırsan. Deməli, nələr olub, nələr keçib - hamısını bilirsən. Deməli, dostunu-düşmənini yaxşı tanıyırsan.

Azərbaycan.- 2011.-26 fevral.- S. 4.