Niderlandda Azərbaycan iqtisadiyyatına dair təqdimat keçirilmişdir
Niderlandda akkreditə olunmuş diplomatik nümayəndəliklərin, yerli siyasi və biznes dairələri ilə əlaqələrinin qurulması istiqamətində fəaliyyət göstərən Dostluq, Qarşılıqlı Anlaşma və İnkişafa dair Assosiasiyası tərəfindən Avropanın enerji təhlükəsizliyinə həsr edilmiş konfrans təşkil olunmuşdur.
Konfransda Azərbaycanın Niderlanddakı səfiri Fuad İsgəndərov ölkəmizin iqtisadi inkişafına dair geniş multimediyalı mühazirə-təqdimatla çıxış etmişdir.
Azərbaycanlı diplomat respublikamızın dinamik inkişafı, ölkəmizin iqtisadi potensialı, enerji siyasətinin əsas prioritetləri, Cənubi Qafqaz regionunda həyata keçirilən irimiqyaslı layihələr barədə ətraflı məlumat vermiş, iştirakçıların suallarını cavablandırmışdır.
F.İsgəndərovun çıxışı konfrans iştirakçıları tərəfindən böyük rəğbətlə qarşılanmışdır. Onlar bu cür tədbirin keçirilməsindən məmnun olduqlarını, Azərbaycan haqqında əldə etdikləri məlumatları gələcək fəaliyyətlərində istifadə edəcəklərini bildirmişlər.
Konfransda Haaqada
yerləşən beynəlxalq təşkilatların və Niderlandda akkreditə olunmuş
diplomatik nümayəndəliklərin rəhbərləri,
biznes dairələrinin, tədqiqat
institutlarının, kütləvi informasiya
vasitələrinin təmsilçiləri iştirak
etmişlər.
Azərbaycan.- 2011.-1 iyul.- S.
6.