Akademikin
xatirəsi yad edildi
Akademik Məmmədtağı
Cəfərov qısa bir fasilə ilə iyirmi il Kənd Təsərrüfatı
Akademiyasına (indiki Dövlət Aqrar Universiteti) rəhbərlik
edib. Görkəmli alim əsl el fədaisi idi. Onun bir sıra əsərlərindən,
ilk növbədə isə "Torpaqşünaslıq"
monoqrafiyasından indi də dərs vəsaiti kimi istifadə
olunur. M.Cəfərov ölkənin ictimai həyatında fəal
iştirak edirdi. Uzun illər respublika Ziyalılar Cəmiyyəti
idarə heyətinin sədri olub.
Bu günlərdə Dövlət
Aqrar Universitetində akademik Məmmədtağı Cəfərovun
75 illiyinə həsr olunmuş xatirə gecəsi
keçirilmişdir. Əvvəlcə Məmmədtağı
Cəfərovun xatirəsinə həsr olunmuş film
nümayiş etdirildi. Tədbiri giriş sözü ilə
açan universitetin rektoru, əməkdar elm xadimi Mirdaməd
Sadıqov təcrübəli təhsil təşkilatçısının
xidmətlərindən, torpaqşünaslıq elminin
inkişafındakı rolundan danışdı.
Torpaqşünaslıq, aqrokimya və ekoloji kənd təsərrüfatı
kafedrasının müdiri, professor, əməkdar müəllim
Amin Babayev akademikin həyat və fəaliyyəti haqqında məruzə
ilə çıxış etdi.
Sonra akademik Siddiqə Məmmədova,
universitetin məzunu Günel Əliyeva, Hacı Ələsgər,
qocaman təhsil işçisi Nəcəf Nəcəfov,
kafedra müdiri Cəmil Babayev, Gəncə Dövlət
Universitetinin rektoru Elman Məmmədov, Regional Elm Mərkəzinin
direktoru Fuad Əliyev və başqaları alim haqqında xatirələrini
söylədilər.
Azərbaycan.- 2011.- 19
iyul.- S. 8.