Yarımilliyin yekunları
inkişafın dinamikasını göstərir
Dağlıq
Qarabağda erməni
separatçılarının Azərbaycan dövlətinə
qarşı başladığı məkrli oyun
davam edir və onun yaxın tarixi 20 ildən
çoxdur. 1994-cü ildə atəşkəs
başladıqdan sonra ara-sıra eşidilən
güllə səsləri ilə yanaşı, vasitəçilərin
iştirakı ilə
danışıqlara start verildi.
Danışıqların ilkin mərhələsində
müvəqqəti, olsa da,
döyüşlərdə uduzmuş, xarici və daxili qüvvələr
tərəfindən zəiflədilmiş Azərbaycan
vardısa, bu gün
şərtlər tamamilə dəyişib. Azərbaycan
gündən-günə nə qədər çiçəklənirsə,
artıb güclənirsə, erməni tərəfi bir o qədər solur, zəifləyir, iqtisadi-siyasi
problemlər içərisində boğulur.
Bütün dövrlərdə Ermənistanda demoqrafik vəziyyət acınacaqlı olub, indiki vəziyyətin
ağırlığını isə təsəvvür etmək
belə çətindir. Hazırda qonşu
ölkədəki miqrasiya prosesləri
qarşısıalınmaz xarakter
alıb: doğulan az,
ölən çox, ölkədən baş götürüb qaçanlarsa minlərlədir!
Nazirlər
Kabinetinin 2011-ci ilin birinci yarısının sosial-iqtisadi
inkişafının yekunlarına həsr olunmuş
iclasında ölkə başçısı Dağlıq Qarabağ münaqişəsi ətrafında son dövrlər seyr edilən
fəallığa toxunarkən bütün
bunları bir daha qeyd etmişdir: "Son
altı ay ərzində 70 min
erməni ölkəni birdəfəlik tərk edib.
5-10 ildən sonra orada
1 milyondan az erməni
qalacaqdır. Yəni hamı başa düşür ki, proseslər
bu istiqamətdə gedir.
Azərbaycanın maliyyə imkanları, siyasi
çəkisi artır, regional vəziyyəti
möhkəmlənir, ordu güclənir, demoqrafik göstəricilər yüksəlir. Bizim əhalimiz artır, onların əhalisi
azalır. 5-10 ildən sonra bizim əhalimiz olacaq 11 milyon, onların əhalisi olacaq
1 milyon. Bunun nə demək
olduğunu hamı yaxşı başa düşür."
Təəssüflə
qeyd etmək lazımdır ki, hələlik vəziyyətin ciddiliyini erməni tərəfi axıradək
hiss etməyib. Bəlkə
də edib! Əks halda,
onların müraciətlərində, söhbətlərində
bu qədər əsəbilik və gərginlik
duyulmazdı. Xüsusilə son dövrlər
vasitəçi dövlətlərin və vasitəçi təşkilatların
səylərini durmadan artırması, status-kvonun dəyişməsinə
çağırışları erməni hakim dairələrində vəziyyətin daha da gərginləşməsinə,
xalqla hakimiyyət arasında uçurumun daha da böyüməsinə gətirib
çıxarıb. Necə deyərlər,
"aşağıdakılar əvvəlki qaydada
yaşamaq istəmir, yuxarılar isə həmişəki
kimi idarə edə bilmirlər."
İllərdir bir-birini əvəzləyən,
nəticəsiz başa çatan
danışıqlar, müxtəlif səviyyələrdə
qəbul edilən planlar və yerinə
yetirilməyən vəzifələr, erməni xislətindən
irəli gələn daxili auditoriyaya
bir söz, kənardakılara
tamam başqa bir söz söyləmək
- bütün bunlar
qarşı tərəfi dalana gətirib
çıxaran səbəb və nəticələrdir.
Bunları aradan qaldırmadan,
dünyanın ümumi axınına uyğun hərəkət etmədən
hansısa dəyişikliyə ümid bəsləmək
müşkül məsələdir.
Ölkə
başçısı İlham Əliyev
ermənilərin hazırkı vəziyyətini olduqca maraqlı və gözəl ifadə edib: "Ermənistan tərəfi isə tam əksini edir...Onlar, əslində, bizi
müharibə ilə hədələyirlər. Bizə qarşı müharibə aparan,
azərbaycanlılara qarşı etnik təmizləmə
siyasətini aparan, Xocalı
soyqırımını törədən vəhşilər indi yenə də Azərbaycanı müharibə
ilə hədələyirlər. Özləri müharibədən
qorxa-qorxa, əsə-əsə bizi müharibə ilə hədələyirlər."
Doğrudan da, Azərbaycanın
artan gücü bütün sahələrdə özünü göstərir. Nazirlər Kabinetinin 2011-ci ilin birinci yarısının sosial-iqtisadi
inkişafının yekunlarına həsr olunmuş
iclasında da qeyd edildiyi kimi, təkcə
yarım il ərzində ölkəmizin strateji valyuta ehtiyatları
9 milyard dollar
artmışdır. Bütövlükdə ölkənin strateji valyuta ehtiyatları
38 milyard dollar səviyyəsindədir
ki, bu da
Azərbaycanın görünməmiş iqtisadi
uğurlarından, dünyada artan nüfuzundan, sabaha inamından xəbər verir.
Sosial məsələlərin,
xüsusilə yaşlı və gənc nəslin problemlərinin
həlli dövlətin daim diqqət mərkəzindədir.
Bütün bunlarla
bağlı atılan addımlar da göz önündədir.
Regionların, eləcə
də Bakı və Bakıətrafı kəndlərin inkişafı
istiqamətində xüsusi proqramlar icra
olunmaqdadır. Bu isə həm kənd təsərrüfatının
inkişaf etdirilməsi, həm də yeni iş yerlərinin
açılması deməkdir. Son illər 1 milyona yaxın yeni iş yerinin açılması da sevindirici haldır.
Bir sözlə, Azərbaycanın
uğurları, iqtisadi
yüksəlişi, dövlətin
və hökumətin
əzmkarlıqla apardığı
islahatlar öz bəhrəsini verməkdədir. Bütün bunlar isə son nəticədə güclü
dövlət - güclü
vətəndaş, xalq
anlamına gəlir.
Qarşı tərəfdə - Ermənistanda
isə əks proseslər getdikcə daha da güclənməkdədir. Bunu erməni KİV-lərə
nəzər salmaqla da asanca müəyyən
etmək olar. Bu yazılarda Azərbaycanın
iqtisadi qüdrətinin
artmasının, ordusunun
NATO standartlarına uyğun
qurulmasının, öz
silah-sursatının istehsalını
genişləndirməsinin erməni
mətbuatını, eləcə
də bütövlükdə
erməni cəmiyyətini
nə qədər narahat etdiyi açıq-aydın sezilir.
Müharibə başlasa,
onları hansı fəlakətin gözlədiyini
də "erməni qəhrəmanları", "səhra komandirləri",
dinc əhalini qırıb-çatanlar, şəhərlərimizi,
kəndlərimizi talan
edənlər, maddi-mənəvi
dəyərlərimizi vəhşicəsinə
dağıdanlar yaxşı
anlayırlar...
Azərbaycanın hərbi balansla
yanaşı, insan potensialının da Ermənistandan qat-qat artıq olması qarşı tərəfdə
narahatlıqla ifadə
olunur. Bunu erməni
müxalifətinin çıxışlarından
da sezmək mümkündür. Azərbaycanla
hərbi qarşıdurmanın
baş verdiyi ötən əsrin
90-cı illərinin əvvəllərində
əhalisinin 4 milyon nəfər olduğu vurğulandığı halda,
hazırda bu rəqəmin 2 milyon civarında olmasını
bu gün erməni siyasətini müəyyənləşdirənlər təəssüflə qeyd
edir, bütün vasitələrlə hökuməti
miqrasiya proseslərinə
müdaxilə etməyə,
Ermənistandan baş
götürüb qaçanların
qarşısını almağa
çağırır. Qaçanlar
isə, əvvəldə
qeyd edildiyi kimi, beş
deyil, on deyil, on minlərlədir. Özü də
qaçanlar təkcə
sıravi vətəndaşlar
deyil. Vaxtilə oğurluqla, talanla
əldə etdiklərini
də götürüb
aradan çıxanlar
kifayət qədərdir.
Bu isə Ermənistanı
yaxınlarda hansı fəlakətin gözlədiyindən
xəbər verir.
Ermənistan batır. Batan
gəmini isə birinci kimlər, axırıncı kimlər
tərk edir - hamımız yaxşı
bilirik...
Azərbaycan.-2011.-23
iyul.-S.1.