Regional və beynəlxalq prosesləri müzakirə etmişlər

ABŞ-da işgüzar səfərdə olan Azərbaycanın xarici işlər naziri Elmar Məmmədyarov iyunun 2-də Vaşinqtonda Strateji və Beynəlxalq Araşdırmalar Mərkəzinin Məşvərət Şurasının üzvü, ABŞ Prezidentinin milli təhlükəsizlik üzrə sabiq müşaviri Zbiqnev Bjezinski ilə görüşmüşdür.

Azərbaycan Prezidenti İlham Əliyevin salamlarını həmsöhbətinə çatdıran E.Məmmədyarov ölkəmizin daxili və xarici siyasəti, iqtisadi sahədə əldə edilmiş son nailiyyətlər barədə ətraflı məlumat vermişdir.

Z.Bjezinski Azərbaycan ilə bağlı xoş xatirələrini bölüşmüşdür. Görüşdə həmçinin regional və beynəlxalq proseslər haqqında fikir mübadiləsi aparılmışdır.

Azərbaycan.- 2011.- 4 iyun.- S. 5.