YUNESKO-nun Beynəlxalq Bioetika Komitəsinin 18-ci sessiyasının iştirakçıları Azərbaycan bəstəkarlarının əsərlərini dinləmişlər

İyunun 3-də Müslüm Maqomayev adına Azərbaycan Dövlət Filarmoniyasında YUNESKO-nun Beynəlxalq Bioetika Komitəsinin 18-ci sessiyasının iştirakçıları üçün konsert təşkil olunmuşdur.

AzərTAc xəbər verir ki, Xalq Artisti Teymur Göyçayevin rəhbərliyi və dirijorluğu ilə “TUTTİ” Kamera Orkestri və Qara Qarayev adına Azərbaycan Dövlət Kamera Orkestri klassik əsərlərdən ibarət konsert proqramını təqdim etmişlər.

Qonaqlar Aqşin Əlizadənin “Cəngi”, Musa Mirzəyevin “Romantik vals”, Həsən Rzayevin “Cahargah” əsərlərini və Üzeyir Hacıbəylinin “Arşın mal alan” musiqili komediyasından Əsgərin ariyasını, Qara Qarayevin “İnsan məskən salır” kinofilmindən fraqmenti maraqla qarşılamışlar.

Konsertdə respublika müsabiqəsi laureatları Atabəy İsmayılovun və Çinara Mütəllibovanın, beynəlxalq müsabiqə laureatı Ceyla Seyidovanın ifaları dinlənilmişdir.

Azərbaycan.- 2011.- 4 iyun.- S. 6.