Milli Məclisin Sədr müavini Bahar Muradova Füzuli rayonunda olmuşdur
Milli Məclisin Sədr müavini Bahar Muradova iyunun 8-də və 9-da Füzuli rayonunda səfərdə olmuşdur.
Vitse-spiker rayon rəhbərliyi ilə birlikdə bu günlərdə bölgədə baş vermiş təbii fəlakətin nəticələri
ilə tanış olmuşdur. İntensiv yağan dolu və leysan nəticəsində rayonda
yüzlərlə evin
dam örtüyünə
ciddi ziyan dəymiş, böyük
bir ərazidə əkin sahələri,
bağlar və yaşıllıqlar yararsız
hala düşmüş,
sel suları kommunikasiya xətlərini
sıradan çıxarmış,
elektrik enerjisinin verilməsində fasilələr
yaranmışdır.
Bahar Muradova təbii fəlakətdən daha çox ziyan çəkmiş Horadiz şəhərində, Əhmədalılar,
Qazaxlar, Mollaməhərrəmli
kəndlərində və
digər yaşayış
məntəqələrində seçicilərlə görüşlər
keçirmiş, əhalinin
problemləri ilə maraqlanmışdır. Rayon
sakinləri təbii fəlakətin nəticələrinin
aradan qaldırılması
üçün zəruri
tədbirlər görülməsi
barədə təkliflə
Bahar Muradovaya müraciət etmişlər.
Parlament Sədrinin müavini səfər zamanı regionların sosial-iqtisadi inkişafına
dair Dövlət proqramına uyğun olaraq, son zamanlar
rayonda geniş vüsət almış abadlıq və quruculuq işlərinin gedişi və yeni layihələrlə tanış olmuşdur.
Azərbaycan.- 2011.- 10 iyun.- S. 5.