BDU ilə Xarkov Milli Universiteti arasında memorandum
imzalanmışdır
Azərbaycanda səfərdə
olan V.N.Karazin adına Xarkov Milli Universitetinin birinci prorektoru
professor Vladimir Aleksandrovun rəhbərlik etdiyi nümayəndə
heyəti iyunun 29-da Bakı Dövlət Universitetinin (BDU)
rektoru, Milli Məclisin deputatı, akademik Abel Məhərrəmov
ilə görüşmüşdür.
BDU-nun mətbuat və
informasiya şöbəsindən AzərTAc-a bildirmişlər
ki, universitet haqqında qonaqlara ətraflı məlumat verən
rektor Abel Məhərrəmov əsasən onun beynəlxalq əlaqələrindən
danışmışdır.
İkitərəfli əməkdaşlıq
məsələlərinin müzakirə olunduğu
görüşdə nümayəndə heyətinin rəhbəri
Xarkovda Azərbaycan Mərkəzinin yaradılması fikrini
açıqlamışdır.
Görüşün nəticəsi
olaraq Bakı Dövlət Universiteti ilə Xarkov Milli
Universiteti arasında anlaşma memorandumu
imzalanmışdır. Memorandum qarşılıqlı
mühazirələrin oxunması, elmin aktual problemləri
üzrə hər iki tərəf üçün maraq
doğuran sahələrdə birgə elmi tədqiqatların
aparılması, pedaqogika, tədris metodikası, ali təhsilin
strukturu məsələlərində təcrübə və
informasiya mübadiləsini nəzərdə tutur.
Bundan əlavə, tərəflər
staj keçmə və ixtisasın artırılması məqsədilə
müəllim, aspirant və tələbə mübadiləsi,
elmi məqalələrin, tədris vəsaitlərinin, tədris
planlarının və proqramlarının, ədəbiyyatın
mübadiləsi və hər iki tərəfin nailiyyətlərini
əks etdirən sərgilərin təşkilində və
digər məsələlərdə əməkdaşlıq
edəcəklər.
Ukraynalı qonaqlar BDU-nun
laboratoriyaları ilə
Azərbaycan.- 2011.- 30 iyun.- S. 10.