Tehranda Azərbaycan və İran arasında dövlətlərarası müştərək komissiyanın səkkizinci iclası başa çatmışdır

Martın 7-də Tehranda Azərbaycan Respublikası və İran İslam Respublikası arasında iqtisadi, ticarət və humanitar sahələrdə əməkdaşlıq üzrə dövlətlərarası müştərək komissiyanın səkkizinci iclası başa çatmışdır.

Xarici işlər nazirləri Elmar Məmmədyarovun və Əli Əkbər Salehinin həmsədrliyi ilə keçirilmiş iclasda komissiyanın ekspertlər qrupunun iki gün ərzində hazırladığı memorandum layihəsinin müzakirələri aparılmışdır.

Nazir Ə.Ə.Salehi xüsusi olaraq qeyd etmişdir ki, regional iqtisadiyyatı inkişaf etdirmək hər iki dövlətin ümumi maraqlarına uyğundur və bunun üçün geniş imkanlar mövcuddur. Azərbaycan-İran münasibətlərinin sürətli inkişafından bəhs edən E.Məmmədyarov bildirmişdir ki, İran ilə Azərbaycan arasında mövcud məsələlərin müzakirə edilməsində və həllində heç bir çətinlik yoxdur.

Tərəflər ölkələrimiz arasında münasibətlərin hərtərəfli inkişafını yüksək qiymətləndirmişlər. Qeyd olunmuşdur ki, bu istiqamətdəki səylər bundan sonra da davam etdirilməlidir.

Səfər çərçivəsində İran Prezidenti Mahmud Əhmədinejad tərəfindən qəbul edilmiş Azərbaycan Respublikasının xarici işlər naziri iranlı həmkarı ilə də təkbətək görüş keçirmişdir.

Azərbaycan.- 2011.-10 mart.- S.5.