Azərbaycanın Daxili Qoşunları ilə Türkiyənin Jandarm Qüvvələri arasında əməkdaşlığın perspektivləri müzakirə olunmuşdur

Ölkəmizdə səfərdə olan Türkiyə Jandarm Qüvvələri Baş Komandanlığının qərargah rəisi, general-polkovnik Fikrət Demirtaş martın 11-də Daxili İşlər Nazirliyi Daxili Qoşunların Baş İdarəsində olmuşdur. AzərTAc xəbər verir ki, qonaq əvvəlcə torpaqlarımızın bütövlüyü uğrunda canlarından keçən şəhidlərimizin xatirəsinə ucaldılmış abidəni ziyarət etmiş, Şərəf kitabına ürək sözlərini yazmışdır.

Fikrət Demirtaş Daxili Qoşunların komandanı, general-leytenant Zakir Həsənovla görüşmüşdür. Türkiyəli qonağa Daxili Qoşunların xidməti döyüş fəaliyyəti, keçdiyi döyüş yolu barədə məlumat verilmişdir. Görüşdə Azərbaycanın Daxili Qoşunları ilə Türkiyənin müvafiq qurumu arasında əməkdaşlığın perspektivləri müzakirə olunmuş, qarşılıqlı maraq doğuran bir sıra məsələlər nəzərdən keçirilmişdir.

Azərbaycan.- 2011.-12 mart.- S. 2.