Polis Akademiyasında Novruz bayramı qeyd olunmuşdur

Daxili İşlər Nazirliyinin Polis Akademiyasında Novruz bayramı münasibətilə tədbir keçirilmişdir.

Akademiya rəisinin müavini, polis polkovniki Qabil Zamanov Novruz bayramının xalqımızın tarixindəki yeri və rolu barədə məlumat vermiş, rəhbərlik adından şəxsi heyəti təbrik etmişdir.

Sonra "Qala" tarix-etnoqrafiya qoruğunun elmi işçisi Cavad Ağayev Novruz bayramının yaranma tarixi və mahiyyətindən danışmışdır.

Bayram tədbiri konsert proqramı, akademiya idmançılarının nümunəvi çıxışları, müdavimlərin milli adət-ənənələrimizə uyğun yumurta döyüşdürməsi və milli rəqslərlə davam etdirilmişdir.

AzərTAc

Azərbaycan.- 2011.-18 mart.- S. 3.