Türkiyənin Azərbaycandakı
səfirliyində Novruz
bayramı qeyd olunmuşdur
Martın 19-da Türkiyənin Azərbaycandakı səfirliyində Novruz bayramı münasibətilə qəbul təşkil edilmişdir.
Qəbulda dövlət və hökumət rəsmiləri, Milli Məclisin deputatları, xarici dövlətlərin ölkəmizdəki səfirləri, türkiyəli iş adamları və ictimaiyyətin nümayəndələri iştirak etmişlər.
Azərbaycanda Novruzu qeyd etməkdən böyük sevinc hissi duyduğunu deyən Türkiyənin ölkəmizdəki səfiri Hulusi Kılıç xalqımızı bayram münasibətilə təbrik etmişdir. Diplomat Novruzun azərbaycanlılara və bütün türk dünyasına sülh, əmin-amanlıq, sevinc, bərəkət gətirməsini arzulamışdır.
Sonda tədbir iştirakçıları Novruz
adət-ənənəsinə uyğun olaraq bayram tonqalının üzərindən tullanmışlar.
Azərbaycan.- 2011.-20 mart.- S. 7.