Novruz nəğmələri
Səməni, ay səməni,
Göyərdərəm mən səni.
Sən gələndə yaz olur
Yaz olur, avaz olur.
Xoşdur dədənin sazı,
Yazda ötkəm avazı.
Səməni, can səməni,
Göyərdərəm mən səni.
Səməni, ay səməni,
Göyərdərəm mən səni.
Səndən mən can istərəm,
Damara qan istərəm.
Qanım təmiz gərək,
Dosta sanım gərək.
Sənsiz qanım olmaz,
Cansız sanım olmaz.
İllətimin loğmanı,
Yamanlığın amanı,
Səməni, ay səməni,
Göyərdərəm mən səni.
Səməni, ay səməni
Göyərdərəm mən
səni.
* * *
Başım, dişim ağrımasın,
Ağrılarım yarımasın,
Düşmənlərim qarımasın.
Cancığazım üzülməsin,
Gözlərimə süzülməsin.
Səməni, ay səməni,
Göyərdərəm mən səni,
Səməni, can səməni,
Gözlərimə işıq ver,
İşıq ver, yaraşıq ver.
Dizimə taqət gəlsin,
Qoluma qüvvət gəlsin.
* * *
Səməni, ay səməni,
Sən gələndə
yaz olur,
Saz olur, avaz olur.
Səməni, saxla məni
Səməni, can səməni,
Göyərdərəm
mən səni.
* * *
Səməni
Al məni,
Hər yazda
Sən yada
Sal məni.
* * *
Səməni, saxla məni,
İldə göyərdərəm səni.
Səməniyə saldım
badam,
Qoymurlar bir barmaq dadam.
Səməni, bezana gəlmişəm,
Uzuna-uzana gəlmişəm.
* * *
Ağırlığım-uğurluğum odlara,
Yazda mənlə hoppanmayan yadlara.
Ağırlığım od olsun,
Odda yanan yad olsun.
Yaddan yad olar,
Qohumdan dad olar.
Qohum-qohumdur
Yamanı da canımdır.
Aydan arı camalam,
Alovdan atlanmaq gərək,
Cəfaya qatlanmaq
gərək,
Oddan aman olmaz
Yaddan qanan olmaz,
Ağırlığım-uğurluğum odlara,
Yazda mənlə hoppanmayan yadlara.
Dədəm gəlsin,
saz gəlsin,
Oymağımıza yaz gəlsin.
Qoşqu deyib heyləsin,
Bahar söyü söyləsin.
Bahara avaz gərək,
Avaza yaz gərək.
Taxılsın saza novruzgülü,
Kəsilsin yamanın dili.
Anlamazı dədəm
andırsın,
Doğru yolu qandırsın,
Ağ saqqalım
işıqdır,
Bahara yaraşıqdır.
Ağırlığım-uğurluğum odlara
Yazda mənlə
hoppanmayan yadlara
* * *
Xonçaya qoydum balığı,
Al boyadım
ortalığı,
Gərdişə sal çalmalığı,
Çünki gəlibdi Firuz.
Xoş keçəcəkdi Novruz.
Küsülüləri barışdırın,
İşıqları alışdırın,
Küsülüləri barışdırın,
Küsülülərim nə düz gəlir,
Şənlik gəlir, şuxluq gəlir.
Bahar gəlir,
nəfəs gəlir,
Oxumağa həvəs gəlir.
* * *
Dövrə vuraq hal eyləyək.
Küsülülərə yol eyləyək,
Öyüdləri bol eyləyək.
Küsülülərim nə düz gəlir,
Şənlik gəlir,
şuxluq gəlir,
Bahar gəlir,
nəfəs gəlir,
Oxumağa həvəs gəlir.
Küsülülər gəldi
peymana,
Dədə də gəlsin meydana.
Meydanda tavar saz olsun,
Avazlarımızı bir görək,
Küsülülər öpüşsün
gərək,
Küsülülərim nə düz gəlir,
Şənlik gəlir,
şuxluq gəlir,
Bahar gəlir, nəfəs gəlir.
Oxumağa həvəs gəlir.
Azərbaycan.- 2011.- 20 mart.- S. 7.