Müdafiə Sənayesi Nazirliyinin nümayiş etdirdiyi məmulatlar "İDEF-2011" sərgisində böyük maraqla izlənilir

Xəbər verdiyimiz kimi, Azərbaycanın Müdafiə Sənayesi Nazirliyinin müəssisələrində istehsal olunan müdafiə təyinatlı məmulatlar İstanbulda keçirilən "IDEF-2011" X Beynəlxalq Müdafiə Sənayesi sərgisində nümayiş etdirilir.

Azərbaycan sərgidə 89 adda müdafiə təyinatlı məmulatla təmsil olunur.

AzərTAc xəbər verir ki, Azərbaycan Müdafiə Sənayesi Nazirliyinin nümayiş etdirdiyi məmulatlar sərgiyə qatılan digər ölkələrin nümayəndə heyətləri tərəfindən böyük maraqla izlənilir.

Qeyd edək ki, sərgi çərçivəsində Azərbaycan Müdafiə Sənayesi Nazirliyi ilə Türkiyənin qabaqcıl şirkətləri arasında top, minaatan, snayper tüfəngi və gecəgörmə cihazlarının birgə istehsalına dair niyyət protokolları imzalanmışdır.

Azərbaycan.- 2011.-14 may.- S. 2.