Ottava radiosunda Azərbaycan haqqında veriliş
Azərbaycanın
Kanadadakı səfirliyindən AzərTAc-a bildirmişlər
ki, səfir F.Şəfiyev beynəlxalq mədəniyyət məsələlərindən
bəhs edən Ottava 97.9 FM CHİN radiosunun efirində
yayımlanan 1 saatlıq proqramın qonağı olmuşdur.
Azərbaycana həsr
olunmuş verilişdə səfir ölkəmizin tarixi, mədəniyyəti,
incəsənəti, musiqisi, mətbəxi və s. haqqında
dinləyicilərə ətraflı məlumat vermişdir.
F.Şəfiyev həmçinin Azərbaycanda etnik və dini
tolerantlıq haqqında söhbət açmış, dinləyiciləri
ölkəmizin həyatının müxtəlif sahələri
ilə
Veriliş boyu Azərbaycan
musiqisindən parçalar səsləndirilmişdir.
Proqramın əvvəlində "Qarabağ şikəstəsi",
sonra Q.Qarayevin "Vals"ı təqdim edilmişdir. Sonda Azərbaycanın
"Eurovision" musiqi müsabiqəsində qələbəsi
haqqında söhbət açılmış və proqram
"Running scared" mahnısı ilə
yekunlaşmışdır.
Azərbaycan.- 2011.- 27 may.-
S. 7.